सावित्रीबाई फुले पुणे विद्यापीठाचे 'परीक्षा सेवा पोर्टल' कार्यान्वित

एज्युवार्ता न्यूज नेटवर्क 

सावित्रीबाई फुले पुणे विद्यापीठात (Savitribai Phule Pune University) परीक्षा आणि मूल्यमापनविषयक (Examination and evaluation) सर्व सेवा कागदविरहित (Paperless services) केल्या जाणार आहेत. त्यासाठी विद्यापीठाकडून grievance.unipune.ac.in   या नावाने स्वतंत्र संकेतस्थळ विकसित (Independent website development) करण्यात आहे. आज २३ जून पासून हे संकेतस्थळ कार्यान्वित करण्यात आले आहे. त्यामुळे विद्यापीठ व संलग्न महाविद्यालयातील विद्यार्थ्यांना पुढील काळात होणारा बहुतांश त्रास आता कमी होणार आहे. याबाबत विद्यापीठाने आधीच घोषणा केली होती, त्यानुसार आता हे संकेतस्थळ सुरू करण्यात आले आहे. 

विद्यापीठाशी संलग्न महाविद्यालयांना संबंधित grievance.unipune.ac.in पोर्टलचा वापर करता येणार आहे. या माध्यमातून परीक्षा, मूल्यमापन आणि निकाल तसेच निकालोत्तर अनेक त्रुटी या सुविधेमुळे दूर होतील आणि पर्यायाने विद्यार्थी, महाविद्यालये व परिसंस्था यांना परीक्षा व मूल्यमापनाच्या संदर्भातील सर्व दुरुस्त्या, निर्णय किंवा इतर गोष्टीही कागदविरहित उपलब्ध होणार असल्याचे स्पष्ट करण्यात आले आहे. 

सावित्रीबाई फुले पुणे विद्यापीठाच्या परीक्षा व मूल्यमापन मंडळाचे संचालक डॉ. प्रभाकर देसाई यांनी दिलेल्या माहितीनुसार, परीक्षा व मूल्यमापनविषयक विद्यार्थिकेंद्रित सर्व सेवा कागदविरहित करण्याच्या प्रक्रियेतील पुढचा टप्पा सुरू केला आहे. त्यानुसार परीक्षा, मूल्यमापन आणि निकाल तसेच महाविद्यालयांना परीक्षा, मूल्यमापनासह निकालांमधील त्रुटी करता येणार दुरुस्त निकालोत्तर अनेक त्रुटी या सुविधेमुळे अद्ययावत दुरुस्त होतील आणि पर्यायाने विद्यार्थी, महाविद्यालये व परिसंस्था यांना परीक्षा व मूल्यमापनासंदर्भातील सर्व दुरुस्त्या, निर्णय किंवा इतर गोष्टीही कागदविरहित उपलब्ध होणार आहेत.

सर्व महाविद्यालये, परिसंस्था यांना निर्देशित करण्यात येत आहे की, परीक्षा व मूल्यमापन सेवा या पोर्टलविषयी सर्व विद्यार्थी, प्राध्यापक व परीक्षा मूल्यमापनात सहभागी व्यक्तींना अवगत करावे आणि इथून पुढे तत्काळ याच पोर्टलद्वारे परीक्षा व मूल्यमापन मंडळाकडे प्रस्ताव, अर्ज, विनंती सादर कराव्यात. या प्रक्रियेची तात्काळ अंमलबजावणी करण्यासाठी विद्यापीठामार्फत ऑनलाईन लिंक grievance.unipune.ac.in  दिली आहे.