पुणे विद्यापीठाचे संलग्न महाविद्यालयांना तातडीचे आदेश, AICHE अंतर्गत माहिती लवकर भरा..
उच्च शिक्षण विभाग, नवी दिल्ली यांच्याकडून माहिती भरण्यासाठी दोन वेळा मुदतवाढ देण्यात आली होती. मात्र, अद्याप काही महाविद्यालयांनी एआयसीएचई सर्वेक्षणाची माहिती पूर्णपणे भरलेली नाही. ही बाब गंभीर असल्याचे विद्यापीठ प्रशासनानं स्पष्ट केलं आहे. एआयसीएचई सर्वेक्षणातील माहिती दोन दिवसांत भरणे आवश्यक आहे.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठाने (Savitribai Phule Pune University) आपल्या संलग्न महाविद्यालयांना तातडीचे आदेश (Urgent orders to affiliated colleges) दिले आहेत. केंद्र सरकारच्या शिक्षण मंत्रालयाअंतर्गत उच्च शिक्षण विभागाकडून राबवण्यात येणाऱ्या अखिल भारतीय उच्चतर शिक्षण सर्वेक्षण (एआयसीएचई) अंतर्गत महाविद्यालयांना ताबडतोब माहित भरावी लागणार आहे. शैक्षणिक वर्ष २०२४-२५ ची माहिती (Information for the academic year 2024-25) अद्याप भरण्यात आलेली नाही. त्यामुळे विद्यापीठाने सर्व संलग्न महाविद्यालये, स्वायत्त महाविद्यालये व मान्यताप्राप्त संस्थांना तातडीचे आदेश दिले आहेत.
हेही वाचा - SBI बँकेत मेगा भरती! विविध पदांच्या ९९६ जागांच्या भरतीसाठी अर्ज प्रक्रिया सुरू
परिपत्रकात नमूद केल्यानुसार, उच्च शिक्षण विभाग, नवी दिल्ली यांच्याकडून माहिती भरण्यासाठी दोन वेळा मुदतवाढ देण्यात आली होती. मात्र, अद्याप काही महाविद्यालयांनी एआयसीएचई सर्वेक्षणाची माहिती पूर्णपणे भरलेली नाही. ही बाब गंभीर असल्याचे विद्यापीठ प्रशासनानं स्पष्ट केलं आहे. एआयसीएचई सर्वेक्षणातील माहिती दोन दिवसांत भरणे आवश्यक आहे.
विद्यापीठाच्या अंतर्गत गुणवत्ता हमी कक्ष यांच्या वतीने याबाबत परिपत्रक प्रसिद्ध करण्यात आले आहे. त्याद्वारे संबंधित महाविद्यालयांनी एआयसीएचई पोर्टलवर आवश्यक माहिती भरणे व अद्ययावत करणे अनिवार्य असल्याचे स्पष्ट करण्यात आले आहे. सावित्रीबाई फुले पुणे विद्यापीठाच्या कार्यक्षेत्रातील पुणे, अहमदनगर, नाशिक जिल्ह्यातील संलग्न महाविद्यालये, स्वायत्त महाविद्यालये तसेच मान्यताप्राप्त संस्थांकडून १५ जुलै २०२५ पासून माहिती मागविण्यात येत आहे. मात्र, काही महाविद्यालयांकडून अद्याप पर्यंत माहित भरण्यात आली नाही, त्यामुळे ह तातडीचे आदेश देण्यात आले असल्याचे सांगण्यात आलं आहे.
पोर्टल कायमस्वरूपी करण्यात येणार असल्याची माहिती ई-मेलद्वारे कळविण्यात आली आहे. त्यामुळे सर्व संबंधित महाविद्यालयांनी गांभीर्याने दखल घेऊन वेळेत माहिती भरून सहकार्य करावे, असे आवाहन करण्यात आले आहे. सदर परिपत्रकावर अंतर्गत गुणवत्ता हमी कक्षाचे संचालक यांची स्वाक्षरी असून, सर्व संबंधित महाविद्यालयांनी या सूचनेची नोंद घेऊन तातडीने कार्यवाही करावी, असे आवाहन करण्यात आले आहे.
