पाॅलिटेक्निक प्रवेश प्रक्रियेला सुरूवात

एज्युवार्ता न्यूज नेटवर्क

दहावीनंतर अभियंता होण्याचा मार्ग खुला करणाऱ्या पॉलिटेक्निक पदविका अभ्यासक्रमांची (Polytechnic Diploma Courses) प्रवेश प्रक्रिया मंगळवार २० मे पासून सुरू (Admission process started) होत आहे. इच्छुक विद्यार्थ्यांनी प्रथम वर्ष पदविका अभ्यासक्रमांच्या प्रवेश प्रक्रियेचा (First Year Diploma Course Admission Process) तपशील, वेळापत्रक, नावनोंदणी व अर्ज भरण्यासाठी https://dte.maharashtra.gov.in या अधिकृत संकेतस्थळाला भेट द्यावी, असे आवाहन करण्यात आले आहे. 

याबाबत उच्च व तंत्रशिक्षण मंत्री चंद्रकांत पाटील यांनी सांगितले की, पॉलिटेक्निक पदविका अभ्यासक्रम हा नोकरी आणि उद्योगासाठी उपयुक्त पर्याय आहे. तंत्रशिक्षण संचालनालयाने पदविका अभ्यासक्रमांमध्ये १०० टक्के प्रवेश सुनिश्चित करण्याचे उद्दिष्ट ठेवावे. 

प्रवेशासाठी विद्यार्थ्यांना लागणार महत्त्वाची कागदपत्रे

पाॅलिटेक्निकसाठी प्रवेश घेणाऱ्या विद्यार्थ्यांना उत्पन्नाचा दाखला, जात प्रमाणपत्र, जात वैधता प्रमाणपत्र, राष्ट्रीयत्व प्रमाणपत्र व अधिवास प्रमाणपत्र, ईडब्ल्यूएस प्रमाणपत्र, नॉन क्रिमीलेअर प्रमाणपत्र, दिव्यांग प्रमाणपत्र यांसारखे आवश्यक असणार कागदपत्रे तयार ठेवण्याची आवाहन यापूर्वीच करण्यात आले आहे. त्यानंतर डिप्लोमा इन इंजिनीअरिंग (पॉलिटेक्निक) ची प्रवेश प्रक्रिया आजपासून सुरु करण्यात आली आहे. 

संचालनालयाने 'डीटीई' मार्फत दर वर्षी केंद्रीभूत ऑनलाइन प्रक्रियेच्या (कॅप) माध्यमातून प्रवेश दिले जातात. यासाठी 'डीटीई' मार्फत वेळापत्रक जाहीर केले जाते. सध्या 'डीटीई' मार्फत प्रवेश प्रक्रियेची तयारी म्हणून काही सूचना जाहीर करण्यात आल्या आहेत. विद्यार्थी आणि पालकांसाठी https://www.dte.maharashtra. gov.in या वेबसाइटवर प्रमाणपत्रांची तपशीलवार माहिती जाहीर करण्यात आली आहे