DTE Office: नियमबाह्य प्रवेश प्रक्रियेचा पालकांनी वाचला पाढा
90 ते 95 पर्सेंटाइल असताना शैक्षणिक संस्थांनी कमी गुण असणाऱ्या विद्यार्थ्यांना प्रवेश दिल्याचा दावा पालकांनी केला.
eduvarta@gmail.com 
एज्युवार्ता न्यूज नेटवर्क
पुणे व पिंपरी चिंचवड (Pune and Pimpri Chinchwad) परिसरातील नामांकित शैक्षणिक संस्थांनी (educational institute)कॅप राऊंडनंतर शिल्लक (against cap round)राहिलेल्या जागा आणि संस्था स्तरावरील प्रवेशांमध्ये नियम डावलून विद्यार्थ्यांना प्रवेश दिल्याची तक्रार आता पालक समोर येऊन करू लागेल आहेत. पुणे विभागीय तंत्र शिक्षण (Pune divisional technical education office)सहसंचालक कार्यालयात येऊन अनेक पालकांनी नियमबाह्य प्रवेश (illegal admission) प्रक्रियेचा पाढा सहसंचालक दत्तात्रय जाधव यांच्यासमोर वाचला. तसेच उद्धव बाळासाहेब ठाकरे युवासेनेचे सहसचिव कल्पेश यादव (YuvaSena Kalpesh Yadav)यांनी सुद्धा नियमबाह्य प्रवेशाला मंजुरी न देता रद्द करावेत, अशी मागणी केली.
राज्य सामायिक प्रवेश परीक्षा कक्षाच्या माध्यमातून राबवल्या जाणाऱ्या व्यावसायिक अभ्यासक्रमाच्या प्रवेश प्रक्रियेत गोंधळ झाल्याचा आरोप करत अनेक पालकांनी पुण्यातील तंत्र शिक्षण सहसंचालक कार्यालयात मोर्चा वळवला. 90 ते 95 पर्सेंटाइल असताना शैक्षणिक संस्थांनी कमी गुण असणाऱ्या विद्यार्थ्यांना प्रवेश दिल्याचा दावा पालकांनी केला. तसेच कागदपत्रांची पूर्तता करत असताना सुद्धा प्रवेश नाकारून इतर विद्यार्थ्यांना प्रवेश देण्यात आला. पालकांना बाऊन्सरच्या माध्यमातून धमकावण्यात आले. एसईबीसी प्रमाणपत्र मराठी की इंग्रजी भाषेत असावे असा प्रश्न उपस्थित करून शैक्षणिक संस्थांनी अनेक विद्यार्थ्यांचे प्रवेशही रद्द केले.
पुणे विभागीय सहसंचालक कार्यालयातर्फे नियमबाह्य प्रवेश प्रक्रिया राबवणाऱ्या शैक्षणिक संस्थांचा अहवाल 30 सप्टेंबर पर्यंत तयार करून राज्य सामायिक प्रवेश परीक्षा कक्षाला सादर केला जाईल, असे आश्वासन सहसंचालक कार्यालयातील अधिकाऱ्यांनी पालकांना दिले. नियमबाह्य प्रवेश प्रक्रियेतून देण्यात आलेले प्रवेश रद्द न केल्यास न्यायालयात दाद मागणार असल्याचा इशारा कल्पेश यादव यांनी दिला.
---------------
शैक्षणिक संस्थांकडून नियमबाह्य प्रवेश प्रक्रिया राबवली जात असल्याची तक्रार सीईटी सेल व डीटीईकडे वारंवार करण्यात आली आहे. त्या संदर्भातील निवेदने सुद्धा दिली गेली होती. नियमबाह्य प्रवेश प्रक्रिया रोखण्यासाठी ऑब्झर्वर नेमावा, अशी मागणी केली होती. परंतु, सीईटीसेल व डीटीईने सर्व प्रवेश प्रक्रिया राबविण्याचे अधिकार दलालांच्या हातात दिले. त्यामुळे विद्यार्थ्यांकडून लाखो रुपये उकळून गुणवत्ता धारक विद्यार्थ्यांना मात्र प्रवेशापासून वंचित ठेवले गेले. याच गुणवत्ताधारक विद्यार्थ्यांना न्याय देण्यासाठी युवासेनेतर्फे लढा उभारण्यात आला.त्याला आता पालकांचे पाठबळ मिळत आहे.
- कल्पेश यादव, सहसचिव, युवासेना
