शासकीय ITI संस्थांना देण्यात येणार थोर व्यक्तींची नावे; मंत्रिमंडळाचा निर्णय 

एज्युवार्ता न्यूज नेटवर्क 

राज्यातील १४ शासकीय औद्योगिक प्रशिक्षण संस्थांना (Government Industrial Training Institute) समाजसुधारक आणि सामाजिक क्षेत्रात योगदान देणाऱ्या व्यक्तिमत्वांची (Social reformers and individuals who contribute to the social sector) नावे देण्याचा निर्णय राज्य मंत्रिमंडळाच्या बैठकीत (Decision in Cabinet meeting) घेण्यात आला आहे. त्यानुसार मुखेडच्या आयटीआयला पुण्यश्लोक अहिल्यादेवी होळकर यांचे तर, मुंबई येथील आयटीआयला भारतरत्न डॉ. बाबासाहेब आंबेडकर यांचे नाव देण्यात येणार आहे.

येवला येथील आयटीआयला महात्मा ज्योतिबा फुले यांचे, जव्हारच्या आयटीआयला भगवान बिरसा मुंडा यांचे, तर कोल्हापूरच्या आयटीआयचे राजर्षी छत्रपती शाहू महाराज असे नामकरण केले जाणार आहे. अमरावती आयटीआयला संत गाडगेबाबा यांचे, सांगलीच्या आयटीआयला लोकशाहीर अण्णा भाऊ साठे यांचे, जळगावच्या आयटीआयला कवयित्री बहिणाबाई चौधरी यांचे नाव देण्यात येणार आहे. 

आर्वीच्या आयटीआयला दत्तोपंत ठेंगडी यांचे, बेलापूरच्या आयटीआयला दि. वा. पाटील यांचे, कुर्ला; मुंबई येथील आयटीआयला महाराणा प्रताप यांचे, भूम (जि.धाराशिव) आयटीआयला आचार्य विद्यासागरजी महाराज यांचे तर ठाणे आयटीआयला धर्मवीर आनंद दिघे, बीडच्या आयटीआयला कै. विनायकराव मेटे यांचे नाव देण्यात आले आहे. त्यामुळे पुढील काळात राज्यातील १४ शासकीय आयटीआय संस्था या व्यक्तींच्या नावाने ओळखल्या जाणार आहेत.