'या' दिवशी लागेल ICAI CA फाउंडेशन आणि अंतिम परीक्षेचा निकाल

एज्युवार्ता न्यूज नेटवर्क 

ICAI CA फाउंडेशन आणि अंतिम परीक्षेच्या निकालाची तारीख जाहीर झाली आहे. इन्स्टिट्यूट ऑफ चार्टर्ड अकाउंटंट्स ऑफ इंडिया (Institute of Chartered Accountants of India) द्वारे फाऊंडेशन (CA Foundation) आणि इंटरमिजिएट (CA Intermediate) अभ्यासक्रमांचे निकाल अनुक्रमे ऑक्टोबर आणि नोव्हेंबरमध्ये जाहीर केले जातील. (The results will be announced in October and November respectively) 

निकालाच्या तारखेबद्दल माहिती देताना, इंस्टीट्यूटचे प्रमुख सीसीएम धीरज खंडेलवाल यांनी त्यांच्या अधिकृत एक्स हँडलवरील पोस्टमध्ये म्हटले आहे की, “फाऊंडेशन सीएचा निकाल दिवाळीच्या पूर्वसंध्येला जाहीर केला जाऊ शकतो. शिवाय, सप्टेंबर सेशनच्या सीए इंटरचा निकाल नोव्हेंबरच्या मध्यात लागेल.

ICAI द्वारे फाउंडेशन आणि निकाल जाहीर केल्यानंतर, उमेदवार अधिकृत वेबसाइटवर निकाल पाहू शकतात. यासाठी त्यांना आवश्यक तपशील जसे की नोंदणी क्रमांक, रोल नंबर आणि इतर तपशील प्रविष्ट करावे लागतील. यानंतर निकाल तुमच्या स्क्रीनवर दिसेल

ICAI CA फाउंडेशन कोर्सच्या परीक्षा १३, १५, १८ आणि २० सप्टेंबर २०२४ रोजी झाल्या होत्या. तर  ICAI इंटरमीडिएट कोर्सच्या गट I च्या परीक्षा १२, १४ आणि १७ सप्टेंबर रोजी घेण्यात आल्या होत्या. १९, २१ आणि २३ सप्टेंबर २०२४ रोजी दुसऱ्या गटाच्या परीक्षा झाल्या होत्या. 

ICAI CA फाउंडेशन आणि इंटर  निकाल तपासण्यासाठी, सर्व उमेदवारांना प्रथम अधिकृत वेबसाइट icai.org ला भेट द्यावी लागेल. आता मुख्यपृष्ठावर उपलब्ध असलेल्या फाउंडेशन किंवा इंटर कोर्ससाठी ICAI CA निकाल 2024 वर क्लिक करा, जेथे उमेदवारांना लॉगिन तपशील प्रविष्ट करावे लागतील. 'Submit' वर क्लिक करा आणि तुमचा निकाल दिसेल आणि पुढील गरजेसाठी त्याची हार्ड कॉपी ठेवा.