नववी, दहावीच्या अभ्यासक्रमात ३ विषयांची भर पडणार, विद्यार्थ्यांच्या पाठीवर दप्तराचे ओझे वाढणार..
सध्या नववी, दहावीच्या विद्यार्थ्यांना 7 ते 8 विषय आहेत. परंतु आता आराखल्यामध्ये बदल करण्यात आलेला आहे. त्यात अजून व्यावसायिक शिक्षण, कला शिक्षण, अंतर्गत विद्या शाखा विषय बंधनकारक असणार आहेत.
eduvarta@gmail.com 
एज्युवार्ता न्यूज नेटवर्क
शालेय विद्यार्थ्यांच्या पाठीवरच्या ओझ्याचा प्रश्न मागील अनेक वर्षांपासून सतावत आहे. त्यासाठी शासन स्तरावर अनेक प्रयोग केले जात आहेत. मात्र, आता एक वेगळीच बातमी समोर आली आहे. यामुळे दप्तराचे ओझे कमी होणार नाही तर वाढणार आहे. कारण नववी, दहावीच्या अभ्यासक्रमात (9th, 10th courses) मोठा बदल होणार आहे. सध्या ७ विषय असताना आता अतिरिक्त ३ विषयांची (Additional 3 subjects) अभ्यासक्रमात भर पडणार असून विद्यार्थ्यांच्या पाठीवर दप्तराचे ओझे वाढणार आहे. त्यामुळे शाळेच्या वेळा देखील वाढवण्यात येण्याची शक्यता वर्तवण्यात येत आहे.
सध्या नववी, दहावीच्या विद्यार्थ्यांना 7 ते 8 विषय आहेत. परंतु आता आराखल्यामध्ये बदल करण्यात आलेला आहे. त्यात अजून व्यावसायिक शिक्षण, कला शिक्षण, अंतर्गत विद्या शाखा विषय बंधनकारक असणार आहेत. तसेच तीन भाषा विज्ञान, गणित, इतिहास, राज्यशास्त्र, भूगोल, अर्थशास्त्र, शारीरिक शिक्षण आणि नव्याने सामील केलेले हे तीन विषय असे दहा विषय असणार आहेत. यासोबत त्यांना स्काऊट गाईड देखील बंधनकारक केलेले आहे.
नवीन शैक्षणिक धोरणामध्ये भारतीय भाषांचा समावेश सक्तीचा केला आहे. शाळांकडून याबाबत सूचना आल्यानंतरच हा अभ्यासक्रमाचा निर्णय लागू केला जाणार आहे. तसेच व्यावसायिक शिक्षणामध्ये नववीसाठी विद्यार्थ्यांना शेती, नळ दुरूस्ती, सौंदर्य या व्यवसायांची ओळख करून देण्यात येणार आहे. तर दहावीला बाग, सुतार काम, परिचय यांसारख्या व्यवसायाची माहिती देण्यात आली आहे. कला शिक्षणातून दृश्यकला, नाट्य, संगीत, नृत्य, लोककला हे विषय शिकवण्यात येणार आहेत.
