IBPS लिपिक भरती परीक्षेचे स्कोअर कार्ड प्रसिद्ध 

एज्युवार्ता न्यूज नेटवर्क 

बँकिंग कर्मचारी निवड संस्थाने (IBPS) लिपिक भरती परीक्षेचे स्कोअर कार्ड प्रसिद्ध (Publish the score card) केले आहे. (IBPS) ने प्रिलिम्स परीक्षेचे (IBPS Prelims Exam) स्कोअरकार्ड ibps.in या  अधिकृत वेबसाइटवर प्रसिद्ध केले आहे. परीक्षेला बसलेले उमेदवार संकेतस्थळाला भेट देऊन ते डाउनलोड करू शकतात. उमेदवारांसाठी ही लिंक केवळ 12 ऑक्टोबर 2024 पर्यंत वेबसाइटवर सक्रिय राहील. शेवटच्या तारखेनंतर, पोर्टलवरून लिंक काढून टाकली जाईल, त्यामुळे तुमचे स्कोअर कार्ड वेळेत डाउनलोड करा आणि त्याची प्रिंट काढून घ्या. 

असे डाऊनलोड करा स्कोअरकार्ड 

प्रथम अधिकृत वेबसाइट https://www.ibps.in/index.php/clerical-cadre-xiv/ ला भेट द्या. त्यानंतर मुख्यपृष्ठावरील लिंकवर क्लिक करा ज्यात ‘सीआरपी लिपिक XIV साठी ऑनलाइन प्राथमिक परीक्षेचे गुण’ देण्यात आलेले आहेत. आता स्कोअरकार्ड लिंकवर क्लिक करा. आता येथे विचारलेले क्रेडेन्शियल्स एंटर करा म्हणजेच तुमचा नोंदणी क्रमांक आणि पासवर्ड आणि सबमिट वर क्लिक करा. त्यानंतर तुमचे IBPS लिपिक स्कोअरकार्ड स्क्रीनवर दिसेल. ते डाउनलोड करा आणि भविष्यातील संदर्भासाठी त्याची प्रिंटआउट काढून घ्या.

IBPS लिपिक प्रिलिम्स परीक्षा 24, 25 आणि 31 ऑगस्ट 2024 रोजी घेण्यात आली होती. त्याचे नुकतेच पूर्वपरीक्षेचे निकाल जाहीर झाले. आता या परीक्षेचे स्कोअर कार्ड प्रसिद्ध करण्यात आले आहेत. प्रिलिम परीक्षेत यशस्वी झालेल्या उमेदवारांना आता पुढील टप्प्यात म्हणजेच मुख्य परीक्षेला बसता येणार आहे.