गोंडवाना विद्यापीठाचा गोंधळ, विद्यार्थ्यांना साडेतीन तास पेपर लेट

एज्युवार्ता न्यूज नेटवर्क 

गडचिरोली येथील गोंडवाना विद्यापीठाचा (Gondwana University Gadchiroli) भोंगळ कारभार पुन्हा एकदा चव्हाट्यावर आला आहे. एमए प्रथम सत्राच्या समाजशास्त्राचा पेपर (MA First Semester Sociology Paper) चक्क साडे तीन तास उशिरा (Three and a half hour paper late) सुरू झाला. त्यामुळे विद्यापीठाचा सुरुवातीपासून सुरू असलेला गोंधळ अद्याप कायम असल्याचे चित्र पाहायला मिळत आहे.  चंद्रपूर शहरातील सर्वच केंद्रांवर (Chandrapur City Examination Centre) हा गोंधळ उडाल्याची माहिती मिळाली आहे.

एमए प्रथम सत्राची परीक्षा १२ नोव्हेंबरपासून चंद्रपूर येथील आंबेडकर महाविद्यालय, सरदार पटेल महाविद्यालय यासह इतरही महाविद्यालयात आयोजित करण्यात आली होती. नियोजित वेळापत्रकानुसार  पेपर सकाळी ९:३० वाजता असल्याने परीक्षार्थी परीक्षा केंद्रावर गेले. परंतु, विद्यापीठाने अनेक परीक्षा केंद्रांवर वेळेवर बैठक संख्येपेक्षा अधिक विद्यार्थ्यांना परीक्षा केंद्र दिले होते. याबाबत महाविद्यालयाला माहितीसुद्धा नव्हती. त्यामुळे ऐन वेळेवर त्यांना विद्यार्थ्यांची बैठक व्यवस्था करण्यात वेळ गेला. परिणामी नियोजित वेळेवर परीक्षा सुरू होऊ शकली नाही.

याबाबत माहिती घेण्यासाठी एज्युवार्ताने विद्यापीठ परीक्षा विभागाशी संपर्क केला असता, कोणीही बोलण्यास तयार नसल्याची दिसून आले. त्यामुळे विद्यापीठाकडून वारंवार घडणाऱ्या या बेजबाबदार पणाला कारणीभूत कोणाची यंत्रणा आहे हे समोर येणे महत्त्वाचे ठरणार आहे डॉ. पहिल्या पेपरला उशीर झाल्यामुळे दुसऱ्या सत्रातीलही पेपर उशिरा झाला. या प्रकरणातून गोंडवाना घोळ अद्यापही कायम असल्याचे दिसून येत आहे.