नांदेड विद्यापीठाच्या कुलगुरू पदासाठी पाच नावे निश्चित; कोण होणार कुलगुरू

एज्युवार्ता न्यूज नेटवर्क 

नांदेड येथील स्वामी रामानंद तीर्थ मराठवाडा विद्यापीठाच्या (Swami Ramanand Tirtha Marathwada University) कुलगुरू पदाच्या मुलाखतीची प्रक्रिया सुरू असून 29 जानेवारी रोजी पात्र उमेदवारांच्या मुलाखती घेण्यात आल्या.या उमेदवारांमधून पाच अंतिम उमेदवारांची नावे निश्चित (The names of the five finalists have been determined) करण्यात आली आहेत. त्यात तीन उमेदवार सावित्रीबाई फुले पुणे विद्यापीठातील (Savitribai Phule Pune University)असून एक जळगाव (Jalgaon)व एक नांदेड (Nanded) येथील आहे. त्यामुळे कुलगुरू (Vice-Chancellor)पदाची माळ कोणाच्या गळ्यात पडणार हे येत्या 6 फेब्रुवारीनंतर स्पष्ट होणार आहे.

गेल्या वर्षभरात राज्यातील बहुतांश सर्व विद्यापीठांच्या कुलगुरू पदाच्या मुलाखती घेण्यात आल्या त्यात पुणे, मुंबई, सोलापूर, औरंगाबाद, अमरावती विद्यापीठाच्या कुलगुरू पदाच्या मुलाखती घेऊन कुलगुरूंची पूर्ण वेळ नियुक्त करण्यात आली. आता नांदेड विद्यापीठाच्या कुलगुरू पदाच्या मुलाखतीची प्रक्रिया अंतिम टप्प्यात आहे. येत्या 6 फेब्रुवारी रोजी मुंबई येथे दुपारी ३ वाजता कुलगुरू पदासाठी पात्र ठरलेल्या पाच अंतिम उमेदवारांच्या मुलाखती घेतल्या जाणार आहेत.

हेही वाचा : शिक्षण नॅक मूल्यांकनाचा 'पाटील पॅटर्न '

नांदेड येथील स्वामी रामानंद तीर्थ मराठवाडा विद्यापीठाच्या कुलगुरू पदासाठी अंतिम पाच उमेदवारांमध्ये सावित्रीबाई फुले पुणे विद्यापीठाचे भौतिक शास्त्र विभागाचे प्राध्यापक डॉ. संजय ढोले,  विद्यापीठाचे कुलसचिव डॉ. विजय खरे, विज्ञान व तंत्रज्ञान विद्या शाखेचे अधिष्ठाता डॉ.एम.जी.चासकर यांचा समावेश आहे. तसेच जळगाव येथील डॉ.ए.एम.महाजन आणि नांदेड येथील डॉ.रामचंद्र मंठाळकर यांचाही समावेश आहे. त्यामुळे यापैकी कोणाच्या गळ्यात कुलगुरू पदाची माळ पडते, हे पाहणे उत्सुकतेचे ठरणार आहे.

--------------