क्रूरतेचा कळस! कर्मचारी महिलेकडून ४ वर्षाच्या चिमुकलीवर लैंगिक अत्याचार.. 

एज्युवार्ता न्यूज नेटवर्क 

राज्यात सध्या चिमुकल्यांवर होणाऱ्या लैंगिक अत्याचाराच्या घटनांनी (Sexual assault incidents) अक्षरश: क्रूरतेचा कळस गाठला आहे. मुंबईतील गोरेगाव परिसरात (Schools in Goregaon area of ​​Mumbai) असलेल्या एका शाळेत काम करणाऱ्या कर्मचारी महिलेकडून ४ वर्षाच्या चिमुकलीवर लैंगिक अत्याचार (Sexual assault on a 4-year-old child) केल्याची धक्कादायक घटना समोर आली आहे. या प्रकरणी गोरेगाव येथे राहण्यास असलेल्या महिला कर्मचाऱ्याला अटक करण्यात आली आहे. मुंबईतील शाळेत घडलेल्या या धक्कादायक घटनेमुळे पुन्हा एकदा शाळांमधील विद्यार्थ्यांची सुरक्षितता (Safety of students in schools), कर्मचाऱ्यांचे निरीक्षण आणि प्रशासकीय पारदर्शकता याबद्दल प्रश्न उपस्थित केले जात आहेत. 

MPSC : पीएसआय मुख्य परीक्षेचा निकाल जाहीर..

या प्रकरणी मुंबईतील गोरेगाव पोलिसांनी एका ४० वर्षीय महिला कर्मचाऱ्याला अटक केल्याचं समोर आलं आहे. मिळालेल्या माहितीनुसार, सदरची घटना दोन दिवसांपूर्वी म्हणजे १५ सप्टेंबर रोजी ही घटना घडल्याची सांगण्यात आहे आहे. त्या दिवशी, सकाळी पीडितेच्या आजीने आपल्या नातीला शाळेत सोडले. पण, शाळ सुटल्यानंतर अल्पवयीन मुलगी घरी परतल्यानंतर, तिने आपल्या प्रायव्हेट पार्टमध्ये वेदना होत असल्याचं आईला सांगितलं. त्यानंतर, कुटुंबियांनी मुलीची तातडीने वैद्यकीय तपासणी केली आणि शाळेतील प्रशासनाला या घटनेची माहिती दिली.

या संपूर्ण घटनेनंतर, पीडितेच्या कुटुंबियांनी पोक्सो कायद्यांतर्गत पोलीस स्टेशनमध्ये गुन्हा दाखल केला. कुटुंबियांनी केलेल्या तक्रारीच्या आधारे, पोलिसांनी तातडीने पीडितेच्या शाळेतील महिला कर्मचाऱ्याला अटक केली. आरोपी महिलेने शाळेतील चार वर्षांच्या अल्पवयीन विद्यार्थीनीच्या शरीराला अयोग्यरित्या स्पर्श केला आणि तिच्यासोबत घृणास्पद कृत्य केल्याचा कुटुंबियांनी आरोप केला आहे. प्रकरणाच्या तपासादरम्यान, संबंधित महिला मागील दोन वर्षांपासून शाळेत कार्यरत असल्याची माहिती समोर आली आहे. सध्या, पोलीस या प्रकरणाच्या तपासात शाळेतील CCTV कॅमेऱ्याच्या फुटेजचा तपास करत असून त्या शाळेतील इतर तीन सह-कर्माचाऱ्यांची देखील चौकशी सुरू असल्याचे सांगण्यात आले आहे.