‘हॅकाथॉन’ साठी मुदतवाढ ; शाळांकडून अल्प प्रमाणात नोंदणी
या उपक्रमात प्रत्येक जिल्ह्यातून किमान १ हजार विद्यार्थी नोंदणी होणे अपेक्षित असताना अजूनही शासकीय, शासकीय अनुदानित आणि स्थानिक स्वराज्य संस्थेच्या शाळांनी अल्प प्रमाणात नोंदणी केल्याचं दिसून येत आहे.
eduvarta@gmail.com 
एज्युवार्ता न्यूज नेटवर्क
स्टार्स प्रकल्पांतर्गत (STARS Project) आयोजित केलेल्या हॅकाथॉन (Hackathon) या उपक्रमात इयत्ता ६ वी ते ८ वीच्या विद्यार्थ्यांनी (std 6th and 8th student) अल्प प्रमाणात नोंदणी केल्याचे आढळून आले आहे. त्याच पार्श्वभूमीवर विद्यार्थ्यांची अधिकाधिक नोंदणी (student registration) व्हावी, या उद्देशाने ३० नोव्हेंबर २०२४ पर्यंत मुदतवाढ (extension of time) देण्यात आली आहे.
विद्यार्थ्यांमध्ये कौशल्याची रुजवणूक व्हावी म्हणून स्टार्स प्रकल्पांतर्गत इयत्ता ६ वी ते ८ वीच्या विद्यार्थ्यांसाठी हॅकाथॉन या उपक्रमाचे आयोजन केले जात आहे. या उपक्रमात प्रत्येक जिल्ह्यातून किमान १ हजार विद्यार्थी नोंदणी होणे अपेक्षित असताना अजूनही शासकीय, शासकीय अनुदानित आणि स्थानिक स्वराज्य संस्थेच्या शाळांनी अल्प प्रमाणात नोंदणी केल्याचं दिसून येत आहे.
त्याच पार्श्वभूमीवर या उपक्रमातील शाळांची नोंदणी वाढवण्यासाठी ही मुदतवाढ देण्यात आली असून या उपक्रमात जास्तीत जास्त विद्यार्थ्यांनी सहभाग घेण्याचे आवाहन राज्य शैक्षणिक संशोधन व प्रशिक्षण परिषदेचे संचालक राहुल रेखावार यांनी पत्राद्वारे दिले आहे.
