इनोव्हेशन अँड इनक्युबेशन सेंटरच्या संचालक पदी डॉ.देविदास गोल्हार

एज्युवार्ता न्यूज नेटवर्क 

सावित्रीबाई फुले पुणे विद्यापीठाच्या (Savitribai Phule Pune University) इनोव्हेशन अँड इनक्युबेशन सेंटरच्या संचालक पदी डॉ.देविदास गोल्हार (Dr. Devidas Golhar as Director of Innovation and Incubation Center)यांची नियुक्ती झाली आहे. डॉ.गोल्हार हे एमएमसीसीचे प्राचार्य (Principal of MMCC)म्हणून कार्यरत होते. त्यांनी गुरुवारी इनोव्हेशन अँड इनक्युबेशन सेंटरचा  पदभार स्वीकारला. विद्यापीठाच्या बायोटेक्नॉलॉजी विभागाचे प्राध्यापक डॉ.राजेश गच्छे (Professor of Biotechnology Department Dr. Rajesh Gachhe)यांची या पदासाठी निवड झाली होत. परंतु, डॉ.गोल्हार यांनी पदभार स्वीकारल्याने आश्चर्य व्यक्त केले जात आहे.

सावित्रीबाई फुले पुणे विद्यापीठाच्या इनोव्हेशन अँड इनक्युबेशन सेंटरच्या संचालक पदासाठी मर्यादित उमेदवारांनी अर्ज केले होते. संबंधित उमेदवारांच्या मुलाखती काही महिन्यांपूर्वी घेण्यात आल्या. त्यातून बायोटेक्नॉलॉजी विभागाचे प्राध्यापक डॉ.राजेश गच्छे यांची निवड करण्यात आली होती. गच्छे यांना पदभार स्वीकारण्यासंदर्भात पत्र पाठविण्यात आले होते. मात्र, त्यांनी काही कारणास्तव पदभार स्वीकारला नाही. त्यामुळे विद्यापीठाच्या निवड समितीने गच्छे यांच्यानंतर शिफारस केलेल्या दुसऱ्या व्यक्तीला पदभार स्वीकारण्याबाबत पत्र पाठवण्यात आले. त्यानुसार डॉ.देविदास गोल्हार यांनी पदभार स्वीकारला.

विद्यापीठाच्या इनोव्हेशन अँड इनक्युबेशन सेंटरच्या संचालक पदासाठी निवड होऊनही पदभार का स्वीकारला नाही, याबद्दल विचारले असता डॉ.राजेश गच्छे म्हणाले, मला संशोधनाची आवड असून माझ्याकडे विविध प्रकल्पासाठीच्या ग्रँड आलेल्या आहेत. इनोव्हेशन अँड इनक्युबेशन सेंटरच्या संचालक पदाची जबाबदारी स्वीकारल्यानंतर मला संशोधनाला न्याय देता आला नसता. त्यामुळे मी पदभार स्वीकारला नाही.

--------------------------

सध्या स्टार्टअप कल्चर येऊ घातले आहे त्यामुळे विद्यापीठ व संलग्न महाविद्यालयांमध्ये विद्यार्थ्यांसाठी त्या दृष्टीने इकोसिस्टीम तयार करणे गरजेचे आहे.यापूर्वीच्या संचालकांनी त्या दृष्टीने काम केले असून ते काम अधिक सक्षमतेने पुढे घेऊन जाण्याचा माझा प्रयत्न असेल. इनोवेशन- इंक्युबॅशनच्या माध्यमातून एक मेंटेनिंग सिस्टीम तयार करून त्यांना अधिकाधिक सपोर्ट देण्याचा प्रयत्न असेल. तसेच नवीन शैक्षणिक धोरणामध्ये विद्यार्थ्यांना इंटर्नशिप बंधनकारक केले आहे.त्यानुसार शहरी व ग्रामीण भागातील इंडस्ट्री बरोबर संबंध वाढवण्याला प्राधान्य दिले जाईल.

- डॉ.देविदास गोल्हार, संचालक,इनोव्हेशन अँड इनक्युबेशन सेंटर,सावित्रीबाई फुले पुणे विद्यापीठ