सावित्रीबाई फुले पुणे विद्यापीठाच्या अधिसभेवर सुमित ढोरे यांची निवड
संतोष मदने व सुमित ढोरे यांच्यापैकी कोणाची नियुक्ती होणार याबाबत उत्सुकता होती. अखेर सुमित ढोरे यांच्या नावाची घोषणा करण्यात आली.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठाच्या (Savitribai Phule Pune University)आधिसभेवर परीक्षा विभागातील कनिष्ठ सहाय्यक सुमित विलास ढोरे (Sumit Vilas Dhore) यांची अधिसभा सदस्य (Senate member)म्हणून निवड करण्यात आली आहे. महाराष्ट्र सार्वजनिक विद्यापीठ कायद्याच्या तरतुदीनुसार रिक्त झालेल्या जागेवर ढोरे यांचे नामनिर्देशन करण्यात आले आहे. येत्या 30 सप्टेंबर रोजी होणाऱ्या आधिसभेस उपस्थित राहू शकणार आहेत.
अधिसभा सदस्य मुकुंद पांडे यांचा कार्यकाल संपल्यानंतर रिक्त झालेल्या जागेवर कोणाची नियुक्ती करणार याबाबत विद्यापीठ वर्तुळात चर्चा होती. संतोष मदने व सुमित ढोरे यांच्यापैकी कोणाची नियुक्ती होणार याबाबत उत्सुकता होती. अखेर सुमित ढोरे यांच्या नावाची घोषणा करण्यात आली. त्यामुळे शिक्षकेतर संघटनेतील एक गट नाराज असल्याचे बोलले जात आहे.
विद्यापीठाने दिलेल्या माहितीनुसार सुमित विलास ढोरे , कनिष्ठ सहायक परीक्षा विभाग यांची महाराष्ट्र सार्वजनिक विद्यापीठ अधिनियम २०१६ कलम २८ (२ )फ , मधील तरतुदीनुसार सावित्रीबाई फुले पुणे विद्यापीठाच्या अधिसभेवरील रिक्त झालेल्या जागेवर महाराष्ट्र सार्वजनिक विद्यापीठ अधिनियम २०१६ कलम ७० मधील तरतुदीन अनुसरून स्थायी समितीने उर्वरित कालावधीसाठी सदस्य म्हणून नामनिर्देशन केलेले आहे.ते आता अधिसभेचे सन्माननीय सदस्य झालेले आहे.
