Viral Video:शाळेत अश्लील कृत्य ; मुख्याध्यापिका व्यवस्थापकावर गुन्हा दाखल होणार ?

एज्युवार्ता न्यूज नेटवर्क 

सोशल मिडियावर एका शाळेतील मुख्याध्यापिका आणि व्यवस्थापन सदस्य यांचा अश्लील कृत्य (Obscene act by principal and management member)  व्हिडिओ सध्या सोशल मिडियावर चांगलाच व्हायरल होत आहे. त्यामुळे कल्याण पूर्वे काटेमानिवली (Katemanivli east of Kalyan) भागातील इंग्रजी माध्यमाची ही शाळा (English medium school) सध्या चांगलीच वादात सापडली आहे. संबंधित शाळा चालकांविरूध्द कठोर कारवाई करावी म्हणून शिवसेनेच्या ज्येष्ठ कार्यकर्त्या आशा रसाळ यांनी पालकांच्या सहकार्याने कोळसेवाडी पोलीस ठाण्यासमोर बेमुदत उपोषण सुरू (Indefinite hunger strike begins) केले आहे. 

या शाळेतील चालकांची गैरकृत्याची दृश्यचित्रफित पालकांच्या मोबाईलवर प्रसारित झाल्यावर पालकांनी तीव्र नाराजी व्यक्त केली. आपली मुले शिकत असलेल्या शाळेत असे गैरप्रकार सुरू असतील तर हे शाळा चालक विद्यार्थ्यांवर कोणते संस्कार करणार आहेत, असा प्रश्न करत मागील पाच दिवसांपासून संतप्त पालकांनी आशा रसाळ यांच्या पुढाकाराने शाळेविरुध्द निदर्शने सुरू केली आहेत. हे गैरकृत्य करणाऱ्या शाळेच्या मुख्याध्यापिका आणि व्यवस्थापन सदस्य यांच्या विरुध्द गुन्हा दाखल झाला पाहिजे, अशी जोरदार मागणी करत पालकांनी शनिवारी कोळसेवाडी पोलीस ठाण्यात धडक दिली.

जोपर्यंत गैरकृत्य करणाऱ्या मुख्याध्यापिका आणि शाळा व्यवस्थापन सदस्या विरुध्द गुन्हा दाखल होत नाही, तोपर्यंत आम्ही पोलीस ठाण्यासमोरून हटणार नाही, अशी आक्रमक भूमिका पालकांनी घेतली आहे. काटेमानिवली भागातून जोरदार घोषणा देत, हातात निषेधाचे फलक घेत पालकांनी कोळसेवाडी पोलीस ठाण्यावर मोर्चा आणला. पोलीस ठाण्यासमोरील मोकळ्या जागेत बैठक मारून शाळे विरुध्द जोरदार घोषणाबाजी सुरू केली आहे. अनेक शाळा चालकांनी या शाळेतील गैरकृत्याविषयी तीव्र नाराजी व्यक्त केली आहे. नागरिक, स्थानिक लोकप्रतिनिधींनी या गैरप्रकाराविषयी संताप व्यक्त केला आहे. या शाळेच्या व्यवस्थापनावर काही लोकप्रतिनिधी सदस्य असल्याची चर्चा आहे.