शिक्षकांच्या अशैक्षणिक कामाचा 'सिस्काॅम'तर्फे आवाहन

एज्युवार्ता न्यूज नेटवर्क

शिक्षकांकडून सतत अशैक्षणिक माहिती (Non-academic activities) मागवणे व इतर कामे करून घेतली जात असल्याने त्याचा थेट परिणाम अध्यापनावर होतो. परंतु,यासाठी शिक्षकांचा प्रत्यक्षात किती वेळ खर्ची पडतो, याचे वस्तुनिष्ठ चित्र समोर आलेले नाही. हा प्रश्न अभ्यासपूर्वक मांडण्यासाठी सिस्कॉम संस्था (Syscom Institute) पुढाकार घेत आहे. त्यासाठी राज्यातील शिक्षकांनी सप्टेंबर, डिसेंबर व मार्च या तीन टप्प्यांत, दररोजच्या कामाचा साधा तपशील लिहून ठेवावा (Write down simple details of the work), असे आवाहन सिस्काॅम संस्थेचे कार्याध्यक्ष राजेंद्र धारणकर (Rajendra Dharankar) यांनी केला आहे.

१७ नंबर फाॅर्म भरून बोर्डाची परीक्षा देण्यासाठी १५ सप्टेंबरपर्यंत मुदत

शिक्षकांच्या नोंदींचे संकलन करून अभ्यासपूर्ण विश्लेषण केले जाईल आणि शासन व समाजासमोर हा अहवाल सादर करून अशैक्षणिक कामाचा बोजा कमी करण्यासाठी ठोस प्रयत्न केले जातील, असे सिस्काॅमकडून सांगण्यात आले आहे. सिस्कॉमने यापूर्वीही शैक्षणिक सुधारणा, अकरावी प्रवेश प्रक्रिया आदी विषयांवर सातत्याने अभ्यास व पाठपुरावा केला आहे. इच्छुक शिक्षकांनी आपले नाव व सविस्तर संदेश 9225513118 या क्रमांकावर पाठवावा असे आवाहन राजेंद्र धारणकर यांनी केले आहे.

त्यानंतर नोंदी ठेवण्यासाठीचा सोप्या स्वरूपाचा नमुना आपल्याला दिला जाईल. १ सप्टेंबरपासून रोजच्या कामाचा तपशील लिहिण्याची सुरुवात करावी. ज्यांना आपले नाव गुप्त ठेवायचे आहे, त्यांची ओळख गुप्त ठेवली जाईल. परंतु राज्यातील किमान ५०० शिक्षकांचा सहभाग मिळाला तरच हा अहवाल परिणामकारक ठरेल. म्हणून जास्तीत जास्त शिक्षकांनी या तीन महिन्यांच्या उपक्रमात प्रत्यक्ष सहभागी व्हावे. शैक्षणिक कामांबद्दल फक्त तक्रार न करता, तो प्रश्न तडीस नेण्यासाठी आपला सक्रिय सहभाग आवश्यक असल्याचे सिस्काॅम कडून सांगण्यात आले आहे.