कॅनडाने केली परदेशी विद्यार्थ्यांची संख्या कमी करण्याची घोषणा; ४० टक्के भारतीय विद्यार्थ्यांवर होणार परिणाम

एज्युवार्ता न्यूज नेटवर्क 

शिक्षण आणि नोकरीच्या (Education and employment) दृष्टीने कॅनडा विद्यार्थ्यांसाठी आकर्षणाचे केंद्र बनत असताना दुसरीकडे मात्र  कॅनडाने (Canada)देशातील परदेशी विद्यार्थ्यांची संख्या कमी करण्याचा निर्णय घेतला आहे. इमिग्रेशन मंत्री मार्क मिलर (Immigration Minister Mark Miller) यांनीही यासंदर्भात महत्त्वाची घोषणा केली आहे. परदेशी विद्यार्थ्यांच्या वाढत्या संख्येमुळे कॅनडात सध्या स्वस्त दरात घरे उपलब्ध नसल्याचे चित्र आहे.  मात्र, कॅनडाच्या या निर्णयाचा सर्वात मोठा फटका भारतीय विद्यार्थ्यांना (indian students) बसू शकतो.

कॅनडाच्या अधिकृत आकडेवारीनुसार  कॅनडातील अभ्यास परवानाधारकांची संख्या गेल्या दशकात तिप्पट झाली आहे. प्रत्यक्षात 2013 मध्ये 3  लाख विद्यार्थ्यांना अभ्यास परवाने देण्यात आले होते.  तर 2023 मध्ये हा आकडा 9 लाखांच्या पुढे गेला आहे. विशेष म्हणजे २०२२ मध्ये कॅनडामध्ये शिकण्यासाठी अर्ज केलेल्या विद्यार्थ्यांपैकी 40 टक्के भारतीय होते. ज्यामुळे ते या देशातील परदेशी विद्यार्थ्यांचा सर्वात मोठा गट बनले आहेत.

हेही वाचा : ASER 2023 Report news : असरचा रिपोर्ट जाहीर : युवकांना वाचायला अन् गणित सोडवायला येईना; सर्वाधिक विद्यार्थी घेतायेत कला शाखेत शिक्षण

कॅनडाच्या इमिग्रेशन मंत्र्यांनी कॅनडामध्ये अभ्यासासाठी येणाऱ्या परदेशी विद्यार्थ्यांसाठी अनेक नवीन नियमांच्या अंमलबजावणीची माहिती दिली आहे. ज्यामध्ये निधीशी संबंधित तपशील देखील उघड करावा लागेल, असे सांगण्यात आले आहे.  आत्तापर्यंत, कॅनडामध्ये शिकणाऱ्या परदेशी विद्यार्थ्यांना पहिल्या वर्षाचे शिक्षण शुल्क आणि प्रवास खर्च, तसेच $10,000 ची अतिरिक्त रक्कम द्यावी लागत होती. कॅनेडियन ब्रॉडकास्टिंग कॉर्पोरेशन (CBC) च्या मते आता ही रक्कम $10,000 वरून $20,635 करण्यात आली आहे. कॅनडामध्ये राहण्यासाठी दरवर्षी लागणाऱ्या खर्चानुसार ही रक्कम ठरवण्यात आल्याचे अहवालात सांगण्यात आले आहे.
दरम्यान टोरंटो स्टारच्या अहवालानुसार 2023 मध्ये भारतातून आलेले  सुमारे 40 टक्के विद्यार्थी व्हिसा अर्ज नाकारण्यात आले आहेत.