CUET-UG 2026 :'२८ मे'ची परीक्षा पुढे ढकलली; नवीन वेळापत्रक लवकरच जाहीर
देशातील केंद्रीय विद्यापीठे, राज्य विद्यापीठे आणि इतर अनेक नामांकित संस्थांमध्ये पदवी अभ्यासक्रमांसाठी CUET-UG ही प्रवेश परीक्षा आहे. यंदा या परीक्षेसाठी लाखो विद्यार्थ्यांनी नोंदणी केली आहे.
eduvarta@gmail.com 
एज्युवार्ता न्यूज नेटवर्क
राष्ट्रीय परीक्षा एजन्सीने (NTA) CUET-UG २०२६ परीक्षेच्या (CUET-UG 2026) २८ मे रोजी होणाऱ्या दोन्ही शिफ्टची परीक्षा पुढे ढकलल्याची (The exam has been postponed) घोषणा केली आहे. ही माहिती एनटीएने अधिकृत नोटिफिकेशनद्वारे (Official Notification)दिली आहे. बकरी ईदच्या सुट्टीच्या तारखेत झालेल्या बदलामुळे हा निर्णय घेण्यात आला आहे. मूळ नियोजनानुसार CUET-UG २०२६ परीक्षा ११ मे ते ३१ मे २०२६ या कालावधीत विविध शिफ्ट्समध्ये होणार होती. मात्र, केंद्र सरकारने बकरी ईदची तारीख २७ मे ऐवजी २८ मे जाहीर केल्याने २८ मे रोजी होणाऱ्या परीक्षांमध्ये मोठ्या संख्येने विद्यार्थी सहभागी होऊ शकणार नव्हते. या पार्श्वभूमीवर NTA ने विद्यार्थ्यांच्या सोयीनुसार २८ मे च्या सकाळी आणि दुपारच्या शिफ्ट्स स्थगित करण्याचा निर्णय घेतला.
या तारखेला परीक्षा देणाऱ्या उमेदवारांसाठी नवीन तारखा आणि वेळापत्रक लवकरच अधिकृत वेबसाइट cuet.nta.nic.in वर जाहीर करण्यात येईल. विद्यार्थ्यांनी नियमितपणे अधिकृत वेबसाइट आणि NTA चे नोटिफिकेशन्स तपासावे, सल्ला देण्यात आला आहे. या स्थगितीमुळे विद्यार्थ्यांमध्ये काही प्रमाणात गोंधळ निर्माण झाला असला तरी, NTA ने परीक्षेच्या पारदर्शकता आणि विद्यार्थ्यांच्या सोयीला प्राधान्य दिल्याचे सांगितले, NTA ने स्पष्ट केले आहे.
देशातील केंद्रीय विद्यापीठे, राज्य विद्यापीठे आणि इतर अनेक नामांकित संस्थांमध्ये पदवी अभ्यासक्रमांसाठी CUET-UG ही प्रवेश परीक्षा आहे. यंदा या परीक्षेसाठी लाखो विद्यार्थ्यांनी नोंदणी केली आहे. परीक्षेच्या तारखांमध्ये बदल झाल्याने विद्यार्थ्यांच्या तयारीच्या नियोजनावर परिणाम होण्याची शक्यता वर्तवण्यात आली आहे. विशेषतः शेवटच्या टप्प्यातील रिव्हिजन आणि मानसिक तयारीवर याचा परिणाम होऊ शकतो. नवीन वेळापत्रक जाहीर झाल्यानंतर विद्यार्थ्यांनी त्यानुसार अभ्यासाचे नवे नियोजन करावे, असे आवाहन केले आहे.
