CUET UG 2024 परीक्षा तोंडावर असताना NTA ने 'परीक्षा पॅटर्न' बदलला

एज्युवार्ता न्युज नेटवर्क

गेल्या काही वर्षांत भारतीय शिक्षण पद्धतीत खूप बदल झाले आहेत. आता सर्व केंद्रीय विद्यापीठांमध्ये (Central Universities) तसेच अनेक राज्य आणि खाजगी विद्यापीठांमध्ये कॉमन युनिव्हर्सिटी प्रवेश परीक्षा  (CUET UG) परीक्षेद्वारे प्रवेश उपलब्ध केला जातात . आता या परीक्षेला अगदी दोन महिन्यांचा कालावधी शिल्लक असताना नॅशनल टेस्टिंग एजन्सीने (NTA) ने परीक्षेच्या पॅटर्न मध्ये काही महत्वाचे बदल (Change in Exam Pattern) केले आहेत. 

यावर्षी CUET UG च्या अभ्यासक्रमात 2 नवीन विषय समाविष्ट करण्यात आले आहेत. या दोन नवीन विषयांसह डोमेन विशिष्ट विषयांची संख्या २९ झाली आहे. त्याचबरोबर विद्यार्थ्यांना 63 विषयांपैकी फक्त 6 विषय निवडण्याची मुभा देण्यात आली आहे. या 63 विषयांमध्ये 33 भाषा, 29 डोमेन विशिष्ट चाचण्या आणि 1 सामान्य चाचणी समाविष्ट आहे. आता विद्यार्थ्यांना  किमान 1 भाषा निवडणे बंधनकारक असेल.   आता इच्छूक विद्यार्थी CUET UG मध्ये फॅशन स्टडीज आणि टूरिझमचा पेपर या विषयांची ही परीक्षा देऊ शकतात. 

तसेच परीक्षेसाठी देण्यात येणाऱ्या वेळेमध्ये देखील बदल करण्यात आले आहेत.  यावर्षी, विद्यार्थ्यांना CUET UG परीक्षेत काही विषयांसाठी  45 मिनिटे दिली जातील. तर अकाउंटन्सी, इकॉनॉमिक्स, फिजिक्स, कॉम्प्युटर सायन्स, इन्फॉर्मेटिक्स प्रॅक्टिसेस, केमिस्ट्री, मॅथेमॅटिक्स/अप्लाईड मॅथेमॅटिक्स आणि जनरल टेस्ट या विषयांसाठी १ तास दिला जाईल. इच्छूक विद्यार्थी  exams.nta.ac.in/CUET-UG वर CUET UG 2024 परीक्षेसाठी  26 मार्च  पर्यंत नोंदणी करू शकतात. सदर परीक्षा 15 ते 31 मे दरम्यान होणार आहे.