CTET July 2024 : CBSE कडून सीटीईटी परीक्षेचा निकाल जाहीर
उमेदवार अधिकृत वेबसाइट ctet.nic.in वर जाऊन निकाल पाहू शकतात. निकालासोबत अंतिम उत्तर की देखील प्रसिद्ध करण्यात आली आहे.
eduvarta@gmail.com 
एज्युवार्ता न्यूज नेटवर्क
केंद्रीय माध्यमिक शिक्षण मंडळाने (CBSE) CTET जुलै 2024 (CTET July 2024) परीक्षेचा निकाल प्रसिद्ध (Results published) केला आहे. उमेदवार अधिकृत वेबसाइट ctet.nic.in वर जाऊन निकाल पाहू शकतात. निकालासोबत अंतिम उत्तर की देखील प्रसिद्ध (Final answer published) करण्यात आली आहे.
यावर्षी CTET म्हणजेच केंद्रीय शिक्षक पात्रता परीक्षा ७ जुलै रोजी घेण्यात आली. यासाठीची तात्पुरती उत्तरसूची २४ जुलै रोजी प्रसिद्ध करण्यात आली. उत्तर की वर आक्षेप नोंदवण्यासाठी 27 जुलैपर्यंत मुदत देण्यात आली. ही परीक्षा देशातील १३६ केंद्रांवर दोन शिफ्टमध्ये पेन पेपर पद्धतीने घेण्यात आली.
सीटीईटी ही राष्ट्रीय स्तरावरील परीक्षा आहे. ती CBSE द्वारे आयोजित केली जाते. ही परीक्षा दरवर्षी दोनदा घेतली जाते. CBSE CTET परीक्षेत दोन पेपर असतात. पेपर 1 - पात्रतेसाठी इयत्ता 1 ते 5 च्या शिक्षकांसाठी तर पेपर 2 इयत्ता 6 ते 8 च्या शिक्षकांसाठी आहे.
केंद्रीय विद्यालय आणि नवोदय विद्यालय यांसारख्या केंद्र सरकारच्या शाळांमध्ये शिक्षकांच्या पदावर नियुक्तीसाठी ही परीक्षा उत्तीर्ण होणे आवश्यक आहे. ही केवळ पात्रता परीक्षा आहे. याचा अर्थ भरती प्रक्रियेत सहभागी होण्यासाठी परीक्षा उत्तीर्ण होणे आवश्यक आहे.
CTET प्रमाणपत्र डाउनलोड करण्यासाठी, यशस्वी उमेदवारांना DigiLocker पोर्टल, digilocker.gov.in किंवा त्याचे मोबाइल ॲप डाउनलोड करून त्यांचा आधार क्रमांक आणि मोबाइल क्रमांकासह लॉग इन करावे लागेल. लॉग इन केल्यानंतर, उमेदवार त्यांचे प्रमाणपत्र डाउनलोड करू शकतील.
