सीए फाउंडेशन आणि इंटरमिजिएट सप्टेंबरचे निकाल 'या' दिवशी जाहीर होणार ?
सप्टेंबर 2024 मध्ये झालेल्या चार्टर्ड अकाउंटंट्स इंटरमिजिएट आणि फाउंडेशन परीक्षांचे निकाल बुधवारी 30 ऑक्टोबर 2024 रोजी जाहीर होण्याची शक्यता आहे आणि उमेदवार हा निकाल icai.nic.in या वेबसाइटवर तपासू शकतात.
eduvarta@gmail.com 
एज्युवार्ता न्यूज नेटवर्क
CA फाउंडेशन आणि इंटरमिजिएट (CA Foundation and Intermediate) सप्टेंबर परीक्षा 2024 चे निकाल 30 ऑक्टोबर 2024 रोजी इन्स्टिट्यूट ऑफ चार्टर्ड अकाउंटंट ऑफ इंडियाद्वारे (Institute of Chartered Accountants of India) ICAI घोषित केले जाण्याची अपेक्षा आहे. (September exam 2024 result declared on 30 October 2024) निकाल जाहीर झाल्यानंतर या परीक्षांना बसलेले उमेदवार (candidates) अधिकृत वेबसाइटद्वारे https://icai.org/ त्यांचे निकाल तपासू आणि डाउनलोड करू शकतात.
ICAI ने जाहीर केलेल्या निवेदनात म्हटले आहे की, "सप्टेंबर 2024 मध्ये झालेल्या चार्टर्ड अकाउंटंट्स इंटरमिजिएट आणि फाउंडेशन परीक्षांचे निकाल बुधवारी 30 ऑक्टोबर 2024 रोजी जाहीर होण्याची शक्यता आहे. उमेदवार हा निकाल https://icai.org/ या वेबसाइटवर तपासू शकतात."
CA फाउंडेशनच्या परीक्षा 13, 15, 18 आणि 20 सप्टेंबर 2024 रोजी झाल्या होत्या. इंटरमिजिएट ग्रुप 1 ची परीक्षा 12, 14 आणि 17 सप्टेंबर रोजी तर ग्रुप 2 ची परीक्षा 19, 21 आणि 23 सप्टेंबर 2024 रोजी घेण्यात आली होती.
निकाल तपासण्यासाठी सर्वप्रथम उमेदवारांनी अधिकृत वेबसाइटला https://icai.org/ भेट द्यावी. सीए फाउंडेशन किंवा इंटर रिझल्ट लिंक उघडा. आता तुमचा रोल नंबर आणि रजिस्ट्रेशन नंबर टाका. यानंतर तुमचा निकाल पाहण्यासाठी वरील माहिती सबमिट करा. आता तुमचा निकाल स्क्रीनवर दिसेल.
