‘या’ दिवशी लागणार सीएस एक्झिक्युटिव्ह प्रवेश परीक्षेचा निकाल!
रेकॉर्ड-कीपिंग,संदर्भ आणि भविष्यातील वापरासाठी निकाल प्रकाशित झाल्यानंतर लगेचच उमेदवारांनी त्यांचे निकाल-सह-गुण विवरण वेबसाइटवरून डाउनलोड करावे.
eduvarta@gmail.com 
एज्युवार्ता न्यूज नेटवर्क
इन्स्टिट्यूट ऑफ कंपनी सेक्रेटरीज ऑफ इंडियाने (ICSI) कंपनी सेक्रेटरी एक्झिक्युटिव्ह एंट्रन्स टेस्टच्या (CSEET) नोव्हेंबर 2024 सत्रासाठी निकाल (result) जाहीर करण्याची तारीख अधिकृतपणे जाहीर केली आहे. त्याप्रमाणे हा निकाल 18 नोव्हेंबर रोजी जाहीर करण्यात येणार आहे. परीक्षेला बसलेले उमेदवार (exam candidate) त्यांचे लॉगिन क्रेडेन्शियल्स वापरून ICSI च्या www.icsi.edu या अधिकृत वेबसाइटवर त्यांचे निकाल तपासू शकतात.
CSEET ही प्रवेश परीक्षा यशस्वीरीत्या उत्तीर्ण झाल्यानंतर, उमेदवार CS एक्झिक्युटिव्ह प्रोग्राममध्ये नावनोंदणी करू शकतात. रेकॉर्ड-कीपिंग,संदर्भ आणि भविष्यातील वापरासाठी निकाल प्रकाशित झाल्यानंतर लगेचच उमेदवारांनी त्यांचे निकाल-सह-गुण विवरण वेबसाइटवरून डाउनलोड करावे. संस्था उमेदवारांना निकाल-सह-गुणपत्राची कोणतीही भौतिक प्रत देणार नाही.
दरम्यान, CSEET 2024 नोव्हेंबर सत्र 9 ते 11 नोव्हेंबर 2024 रोजी आयोजित करण्यात आले होते.
CSEET निकाल तपासण्यासाठी प्रथम ICSI च्या www.icsi.edu या अधिकृत वेबसाइटला भेट द्या. नंतर CSEET नोव्हेंबर 2024 च्या निकालाची लिंक पहा. तुमचा नोंदणी क्रमांक किंवा रोल नंबर यासारखी आवश्यक क्रेडेन्शियल्स एंटर करा आणि तुमचा ई-निकाल-कम-गुण विवरण पहा आणि डाउनलोड करा.
