एमपीएससी अंतर्गत विविध पदांच्या ५७१ जागांसाठी अर्ज प्रक्रिया सुरू
कायद्याशी संबंधित पदांसाठी अर्ज करण्यासाठी, उमेदवारांकडे भारतातील मान्यताप्राप्त संस्थेची कायद्याची पदवी असणे आवश्यक आहे. तर वैद्यकीय पदांसाठी एमबीबीएस पदवीची शिक्षण घेतलेले असणे आवश्यक आहे. उमेदवारांनी इतर पात्रतेचे निकष देखील पूर्ण करणे आवश्यक आहे.
eduvarta@gmail.com 
एज्युवार्ता न्यूज नेटवर्क
महाराष्ट्र लोकसेवा आयोगाकडून (MPSC) गट अ आणि गट ब (Group A and Group B) संवर्गातील विविध पदांसाठी भरतीची जाहिरात प्रसिद्ध (Notification issued) केली आहे. या भरती अंतर्गत एकूण ५७१ जागा भरण्यात येणार आहेत. यामध्ये वैद्यकीय अधिकारी, अतिरिक्त सरकारी वकील, जिल्हा सैनिक कल्याण अधिकारी यांसारख्या पदांचा समावेश आहे. अर्ज प्रक्रिया सुरू झाली असून इच्छुक आणि पात्र उमेदवार आयोगाचे अधिकृत संकेतस्थळ https://mpsc.gov.in वर जाऊन ऑनलाईन पद्धतीने अर्ज करू शकतात. अर्ज करण्याची अंतिम मुदत ९ एप्रिल (Deadline April 9) २०२६ पर्यंत देण्यात आली आहे.
कायद्याशी संबंधित पदांसाठी अर्ज करण्यासाठी, उमेदवारांकडे भारतातील मान्यताप्राप्त संस्थेची कायद्याची पदवी असणे आवश्यक आहे. तर वैद्यकीय पदांसाठी एमबीबीएस पदवीची शिक्षण घेतलेले असणे आवश्यक आहे. उमेदवारांनी इतर पात्रतेचे निकष देखील पूर्ण करणे आवश्यक आहे. यासाठी उमेदवार आयोगाचे अधिकृत संकेतस्थळ mpsc.gov.in वर जाऊन तपशीलवर माहिती मिळवू शकतात. उमेदवारांची निवड लेखी परीक्षा, मुलाखत आणि छाननीच्या आधारे निवड केली जाईल. एमपीएससीसाठी पात्रतेचे निकष पदनिहाय ठरवले जातात.
ऑनलाइन नोंदणी करण्यासाठी, सर्वप्रथम mpsc.gov.in या अधिकृत वेबसाइटला भेट द्या. आता उमेदवारांना वेबसाइटच्या होमपेजवरील 'MPSC भरती २०२६' या लिंकवर क्लिक करावे लागेल. लिंकवर क्लिक केल्यानंतर, सर्व आवश्यक माहिती काळजीपूर्वक भरा. यानंतर, आवश्यक कागदपत्रांच्या स्कॅन केलेल्या प्रती अपलोड कराव्या लागतील. शेवटी, अर्ज भरल्यानंतर, भरलेल्या सर्व माहितीचे काळजीपूर्वक पुन्हा नीट तपासून पाहा आणि अर्जाची प्रिंट काढून घ्या.
