मुंबई : BEST अंतर्गत चालक पदाच्या भरतीसाठी अर्ज प्रक्रिया सुरू
इलेक्ट्रिक A/C बस चालक” पदाच्या भरती प्रक्रियेसाठी इच्छुक आणि पात्र उमेदवारांकडून अर्ज मागवले आहेत. उमेदवार अधिकृत संकेतस्थळ https://www.bestundertaking.com/ वर जाऊन ऑनलाइन पद्धतीने अर्ज भरू शकतात.
eduvarta@gmail.com 
एज्युवार्ता न्यूज नेटवर्क
मुंबईमध्ये नोकरी संधी शोधणाऱ्या तरुणांसाठी महत्त्वाची अपडेट समोर आली आहे. बॉम्बे इलेक्ट्रिक सप्लाय आणि ट्रान्सपोर्ट (BEST) अंतर्गत “इलेक्ट्रिक A/C बस चालक” (Electric A/C Bus Driver) पदाच्या भरती प्रक्रियेसाठी इच्छुक आणि पात्र उमेदवारांकडून अर्ज मागवले (Online application process begins) आहेत. उमेदवार अधिकृत संकेतस्थळ https://www.bestundertaking.com/ वर जाऊन ऑनलाइन पद्धतीने अर्ज भरू शकतात.
या भरती प्रक्रियेत सहभागी होण्यासाठी उमेदवार दहावी उत्तीर्ण असणे आवश्यक आहे. तसेच किमान ३ वर्षांचा व्यावसायिक बस चालकाचा अनुभव आवश्यक आहे. उमेदवारांचे किमान वय 30 ते कमाल वय 58 वर्षे दरम्यान असावे. अर्ज करण्याची अंतिम तारीख 30 जानेवारी 2025 आहे.
या पदासाठी अर्ज करणाऱ्या उमेदवारांकडे व्यावसायिक अनुभवाशिवाय आवश्यक कागदपत्रे आणि परवाने असणे गरजेचे आहे. अर्ज करण्यापूर्वी अधिकृत वेबसाइटवरील सूचना वाचणे आवश्यक आहे. अर्ज भरण्याची प्रक्रिया ऑनलाइन असून, कोणतेही कागदी स्वरुपात अर्ज स्वीकारले जाणार नाहीत, असे अधिसूचनेत नमूद करण्यात आले आहे.
या भरतीसाठी अर्ज प्रक्रिया BEST Undertaking च्या अधिकृत संकेतस्थळावरून केली जाणार आहे. नोकरीचे ठिकाण हे मुंबई शहर असणार आहे. इच्छुक उमेदवारांनी अधिक माहितीसाठी संबंधित PDF जाहिरात वाचावी. अर्ज भरताना कोणत्याही प्रकारची अडचण असल्यास संबंधित विभागाशी संपर्क साधावा किंवा वेबसाइटवरील मदत केंद्राचा उपयोग करावा, असे नमूद करण्यात आले आहे.
