पुण्यात मनसे विद्यार्थी सेना आणि अखिल भारतीय विद्यार्थी परिषद यांच्यात तुफान राडा..

एज्युवार्ता न्यूज नेटवर्क

पुणे या शहराला विद्येचे माहेरघर समजले जाते. मात्र याच पुण्यात आता विद्यार्थी संघटनांमध्ये मोठा राडा होत असल्याचे बघायला मिळत आहे. पुण्यात मनसे विद्यार्थी सेना विरुद्ध अखिल भारतीय विद्यार्थी सेना (Akhil Bhartiya Vidyarthi Sena) यांच्यात राडा झाल्याची माहिती समोर येत आहे. आधी मनसेच्या विद्यार्थी सेनेविरोधात (Manse Vidhyarthi Sena) कॉलेजमध्ये पोस्टर (Poster bet) लागले. त्यानंतर आक्रमक झालेल्या मनसे विद्यार्थी सेनेकडून जी कृती झाली त्या विरोधात अभाविपने घोषणाबाजी देत आंदोलन केले. या घटनेमुळे सध्या पुण्यातील वातावरण तापल्याचे दिसून येत आहे.

फार्मसी अभ्यासक्रमाच्या २ हजार जागा वाढल्या, ३८ काॅलेज दुसऱ्या फेरीत सहभागी

सध्या अखिल भारतीय विद्यार्थी परिषद विरोधात मनसे विद्यार्थी सेना आक्रमक झाली आहे. पुण्यातील वाडिया कॉलेजमध्ये 'बॉयकॉट मनसे विद्यार्थी सेना' अशा आशयाचे पोस्टर लावले होते. यावरून मनसे विद्यार्थी सेना आक्रमक झाली आहे. आक्रमक झालेल्या मनसे विद्यार्थी सेनेच्या कार्यकर्त्यांनी अभाविपच्या कार्यालयाला कुलूप लावलं. त्यामुळे अभाविपचे कार्यकर्ते आक्रमक झाले आणि त्यांनी घोषणाबाजी करण्यास सुरुवात केली. त्यामुळे परिसरात तणावाचे वातावरण पाहायला मिळत आहे.

वाडिया कॉलेजमध्ये मनसेकडून विद्यार्थी संघटनेच्या शाखेचे उद्घाटन करण्यात येणार होते. मात्र, त्याच ठिकाणी मनसे विद्यार्थी सेनेविरोधात पोस्टर लावण्यात आलं. "बॉयकॉट मनसे विद्यार्थी सेना" असं पोस्टर लावण्यात आलं. हे पोस्टर अभाविपने लावल्याचा आरोप करण्यात आला आहे. कारण त्यावर ABVP लिहिल्याचा दावा मनसे विद्यार्थी सेनेकडून करण्यात आला आहे. त्यामुळे मनसे विद्यार्थी सेना अधिकच आक्रमक झाली. आक्रमक मनसे विद्यार्थी सेनेने थेट अभाविपच्या कार्यालयालाच टाळ ठोकलं. तर अभाविपने आपल्या कार्यालयाला लावलेलं टाळ तोडत जोरदार घोषणाबाजी केली. दोन्ही संघटनांचे विद्यार्थी व पदाधिकारी आक्रमक झाल्याने आता हे प्रकरण ठाण्यापर्यंत गेल्याची माहिती आहे.
___________________________________________

"आमची संघटना मोठी करण्यासाठी आमचे कार्यकर्ते सक्षम आहेत. इतरांची रेष खोडण्यापेक्षा आम्ही स्वतःची रेष मोठी करणारे आम्ही कार्यकर्ते आहोत. महाविद्यालय बाहेर असलेल्या फलकांशी आमचा काडीमात्र संबंध नाही. अभाविप ही सर्वसामान्य विद्यार्थ्यांची हक्काची विद्यार्थी संघटना आहे."

- सई थोपटे, सह मंत्री, पुणे महानगर