NCERT आणणार आणखी चार इयत्तेसाठी नवीन पुस्तके; भाषेच्या ज्ञांनासाठी प्राइमर्सही केले विकसित

एज्युवार्ता न्यूज नेटवर्क 

नॅशनल कौन्सिल ऑफ एज्युकेशनल रिसर्च अँड ट्रेनिंगने (National Council of Educational Research and Training) NCERT सत्र 2025-26 साठी आणखी चार वर्गांसाठी नवीन  पुस्तके आणण्याची तयारी सुरू केली आहे. (For the session 2025-26,  new books for four more classes) तसेच NCERT ने विविध राज्ये आणि केंद्रशासित प्रदेशांच्या विहित भाषांमध्ये 79 प्राइमर्स विकसित केले आहेत. (79 primers have been developed in different languages) या छोट्या पुस्तकांच्या सहाय्याने विद्यार्थ्यांना कोणतीही भाषा शिकता येईल. हे प्राइमर्स राष्ट्रीय शैक्षणिक धोरण 2020 नुसार आहेत आणि मातृभाषेत शिक्षणाला प्रोत्साहन देतात, अशी माहिती एनसीईआरटीचे संचालक प्रा. दिनेश प्रसाद सकलानी यांनी दिली. 

सकलानी यांनी संगितले की, " इयत्ता 4वी , 5वी , 7वी आणि 8 वीसाठी नवीन पुस्तके येतील आणि अलीकडेच NCERT ने Amazon सोबत करार केला आहे जेणेकरून लोक घरी बसूनही पुस्तके मागवू शकतील." विविध भाषांमध्ये ७९ प्राइमर्स तयार करण्यात आले असून पहिल्या टप्प्यात एकूण १२१ प्राइमर बनवले जाणार आहेत, कोणतीही भाषा शिकण्यासाठी हा प्राथमिक उपक्रम आहे. प्राइमर ही कोणतीही भाषा शिकण्याची पहिली पायरी आहे. नवीन शैक्षणिक धोरणांतर्गत हे प्राइमर्स तयार केले जात आहेत, असेही सकलानी यांनी संगितले. 

प्राइमर विषयी अधिक माहिती देताना सकलानी यांनी संगितले की, "प्राइमर वैज्ञानिक पद्धतीद्वारे अक्षर ओळखण्यासोबत वाचन आणि लेखन करण्यास मदत करते. याद्वारे मुलांना कोणत्याही राज्याच्या सांस्कृतिक पैलूंचीही माहिती मिळते. त्यांच्या भाषा आणि मातृभाषेतील ध्वनी, वर्णमाला, शब्द आणि वाक्यरचना याबरोबरच मुलांना संबंधित राज्याची अधिकृत भाषा, सभ्यता आणि संस्कृतीचे प्राथमिक ज्ञानही मिळते. विद्यार्थ्यांना शिक्षणाच्या सुरुवातीच्या टप्प्यावर त्यांच्या मातृभाषेतून शिक्षण साहित्य उपलब्ध करून देणे आणि त्यांना त्यांच्याच भाषेत शिक्षण घेण्याची संधी उपलब्ध करून देण्याच्या उद्देशाने केंद्रीय शिक्षण मंत्रालयाने 'प्राइमर्स ऑफ इंडियन लँग्वेज' सुरू केले आहेत. यामध्ये आदिवासींद्वारे बोलल्या जाणाऱ्या भाषांवरील प्राइमर्सचाही समावेश आहे. स्थानिक पातळीवर प्रचलित भाषांचा समावेश करण्यात आला आहे.