11th Admission : अकरावी प्रवेशाची गुणवत्ता यादी ८ जूनला जाहीर होणार

एज्युवार्ता न्यूज नेटवर्क  

अकरावी प्रवेश नोंदणी (11^th admission process) यंदा राज्यभर ऑनलाइन आणि केंद्रीय पद्धतीने राबवण्यात आली. यात विद्यार्थी नोंदणीच्या (students registration) अंतिम मुदतीमध्ये एकूण १२ लाख ७१ हजार २९५ विद्यार्थ्यांची नोंदणी झाली आहे. तर वेळापत्रकानुसार, शून्य फेरी गुणवत्ता यादी (Zero round merit list) ८ जून २०२५ रोजी जाहीर होईल अशी माहिती माध्यमिक व उच्च माध्यमिक विभागाचे प्रभारी संचालक डॉ. श्रीराम पानझाडे (Director-in-charge of Secondary and Higher Secondary Department Dr. Shriram Panzhade) यांनी दिली आहे.

या प्रक्रियेसाठी पहिल्या फेरीमध्ये एकूण ९ हजार ४३५ शाळा / महाविद्यालयांची नोंदणी झालेली आहे. त्यात एकूण विद्यार्थी प्रवेश क्षमता २१ लाख २३ हजार ४० इतकी आहे. त्यापैकी कॅप फेरीसाठी प्रवेश क्षमता १८ लाख ९७ हजार ५२६; तर कोटा प्रवेश क्षमता २ लाख २५ हजार ५१४ आहे. ही नोंदणी प्रक्रिया दि. २६ मे ते ५ जून दरम्यान महामंडळाच्या https://mahafyjcadmissions.in/landing या अधिकृत संकेतस्थळावरून राबविण्यात आली आहे.

यामध्ये १२ लाख १५ हजार १९० विद्यार्थ्यांनी नोंदणी (रजिस्ट्रेशन) शुल्क ऑनलाइन जमा केले आहे. तर ११ लाख २९ हजार ९२४ विद्यार्थ्यांनी अर्ज लॉक केले आहे. नियमित फेरी (कॅप राऊंड) साठी ११ लाख २९ हजार ९३२ विद्यार्थ्यांनी अर्ज केले आहे. इनहाऊस कोटासाठी ६४ हजार २३८ विद्यार्थ्यांनी, तर व्यवस्थापन (मॅनेटमेंट) कोटासाठी ३२ हजार ७२१ विद्यार्थ्यांनी अर्ज केले आहे. अल्पसंख्याक (मायनॉरिटी) कोटासाठी ४७ हजार ५७८ विद्यार्थ्यांनी अर्ज केले आहे.

शून्य फेरी गुणवत्ता यादी ८ जूनला

वेळापत्रकानुसार शून्य फेरी गुणवत्ता यादी ८ जून २०२५ रोजी जाहीर होणार असून, दि. ९ जून ते ११ जून या कालावधीत कनिष्ठ महाविद्यालयात प्रत्यक्ष प्रवेश होणार आहेत. कॅप फेरीची गुणवत्ता यादी १० जून रोजी जाहीर होणार असून, दि. ११ ते १८ जून दरम्यान कनिष्ठ महाविद्यालयात प्रत्यक्ष प्रवेश होणार आहेत.

जिल्हानिहाय विद्यार्थ्यांची नोंदणी किती?