'स्पाइसर, रतन टाटा, IIT मुंबई'सह ८९ संस्थांची मान्यता रद्द करणार
यूजीसीकडून दिले जाणारे अनुदान आणि निधी थांबविण्यात येईल. यामुळे शिक्षण संस्थांना मिळणारे आर्थिक सहाय्य आणि संशोधन प्रकल्पांवर परिणाम होईल. यूजीसीच्या संकेतस्थळावर 'अनुपालन न करणारी' संस्था म्हणून जाहीर करण्यात येणार आहे. तसेच शिक्षण संस्थेची मान्यता काढून घेतली घेण्याचा किंवा संलग्नता रद्द केली जाईल, असे स्पष्ट करण्यात आले आहे.
eduvarta@gmail.com 
एज्युवार्ता न्यूज नेटवर्क
शिक्षण संस्थांमध्ये अँटी रॅगिंग नियमांचे (Anti-ragging rules) पालन न करणाऱ्या देशातील ८९ संस्थांना (89 Institutional Notice) विद्यापीठ अनुदान आयोगाने (युजीसी) नोटीस जारी केल्या आहेत. येत्या ३० दिवसांत अँटी रॅगिंगबाबत विद्यार्थ्यांची प्रतिज्ञापत्रे आणि शिक्षण संस्थेने केलेल्या कार्यवाहीचा अहवाल सादर न केल्यास, संस्थेचा निधी थांबविण्यासह मान्यता रद्द करण्याचा इशारा यूजीसीने दिला आहे. या यादीमध्ये पुण्यातील स्पाइसर अॅडव्हेंटिस्ट विद्यापीठ, आयआयटी मुंबई, रतन टाटा महाराष्ट्र राज्य कौशल्य विद्यापीठ (Spicer Adventist University, IIT Mumbai, Ratan Tata Maharashtra State Skill University) यांचा देखील यामध्ये समावेश आहे.
वाढत्या प्रकरणांच्या पार्श्वभूमीवर रॅगिंग या संदर्भातील नियमांचे पालन न करणे हा विद्यार्थ्यांच्या सुरक्षिततेसाठी गंभीर धोका आहे. त्यामुळे आता या तरतुदींना केराची टोपली दाखवणाऱ्या महाविद्यालयांवर यूजीसीकडून कारवाईचा बडगा उगारला जाणार आहे. त्यानुसार युजीसीने विद्यार्थ्यांच्या छळवणुकीवरील म्हणजेच अँटी रॅगिंग तरतुदींचे पालन न केल्याबदल देशभरातील ८९ शिक्षण संस्थांना कारणे दाखवा नोटीस बजावली आहे.
NEET UG प्रश्नपत्रिकांमधील त्रुटींवरून वाद
अशी करण्यात येणार कारवाई -
यूजीसीकडून दिले जाणारे अनुदान आणि निधी थांबविण्यात येईल. यामुळे शिक्षण संस्थांना मिळणारे आर्थिक सहाय्य आणि संशोधन प्रकल्पांवर परिणाम होईल. यूजीसीच्या संकेतस्थळावर 'अनुपालन न करणारी' संस्था म्हणून जाहीर करण्यात येणार आहे. तसेच शिक्षण संस्थेची मान्यता काढून घेतली घेण्याचा किंवा संलग्नता रद्द केली जाईल, असे स्पष्ट करण्यात आले आहे.
