माजी पंतप्रधान डॉ. मनमोहन सिंग यांना भावपूर्ण श्रद्धांजली अर्पण
eduvarta@gmail.com 
एज्युवार्ता न्यूज नेटवर्क
देशाचे माजी पंतप्रधान डॉ. मनमोहन सिंग यांना सावित्रीबाई फुले पुणे विद्यापीठात भावपूर्ण श्रद्धांजली अर्पण करण्यात आली.माजी पंतप्रधान डॉ. मनमोहन सिंग यांचे २६ डिसेंबर २०२४ रोजी ९२ व्या वर्षी दुःखद निधन झाले. डॉ. सिंग यांनी भारताच्या आर्थिक सुधारणांमध्ये महत्त्वपूर्ण भूमिका बजावली होती आणि त्यांच्या नेतृत्वाखाली देशाने अनेक क्षेत्रांत प्रगती साधल्याचे स्मरण करत कुलगुरू प्रा. (डॉ.) सुरेश गोसावी आणि प्र - कुलगुरु प्रा. (डॉ.) पराग काळकर यांनी त्यांच्या स्मृतींना विनम्र अभिवादन केले.
यावेळी विद्यापीठाच्या सरस्वती सभागृहात कुलगुरू प्रा. (डॉ.) गोसावी, प्र - कुलगुरु प्रा. (डॉ.) काळकर व्यवस्थापन परिषदेचे सदस्य रविंद्र शिंगणापूरकर, प्रभारी कुलसचिव प्रा. डॉ. ज्योती भाकरे, वित्त व लेखाधिकारी चारुशीला गायके, जयकर ज्ञानस्रोत केंद्राचे प्रभारी संचालक डॉ. संजय देसले, डॉ. अजय ठुबे आदी मान्यवर तसेच शैक्षणिक व प्रशासकिय विभागांचे विभागप्रमुख, शिक्षक, शिक्षकेतर सेवक आणि विद्यार्थी यांनी दोन मिनिट मौन बाळगून त्यांच्या स्मृतींना आदरांजली वाहून त्यांचे कृतज्ञतापूर्वक स्मरण केले.
