शिक्षकांचे अशैक्षणिक कामे कमी होणार; शिक्षणमंत्र्यांचे आश्वासन

एज्युवार्ता न्यूज नेटवर्क
 
येत्या शैक्षणिक वर्षापासून राज्यभरातील शाळांतील शिक्षकांवरील अशैक्षणिक (Non-academic work will be reduced) कामांचे ओझे कमी करण्यात येणार आहे. त्यासाठीचे प्रारूप तयार करण्यात आले असून, त्याची लवकरच निर्णयाची अंमलबजावणी (Implementation of the decision) केली जाणार आहे. तसेच वर्षाच्या सुरुवातीलाच शिक्षकांना शैक्षणिक वेळापत्रक दिले जाणार आहे, अशी माहिती शालेय शिक्षणमंत्री दादा भुसे (Education Minister Dada Bhus) यांनी एका वृत्तवाहिनीशी बोलताना दिली. 

गेली अनेक वर्षे अशैक्षणिक कामे कमी करण्याची मागणी शिक्षकांकडून करण्यात येत आहे. ‘आम्हाला शिकवू द्या,’ अशी मोहीम सुरू करण्याची वेळ, अशैक्षणिक कामांमुळे त्रस्त झालेल्या शिक्षकांवर मध्यंतरी आली होती. या पार्श्वभूमीवर शालेय शिक्षण विभागाने नियुक्त केलेल्या समितीने सादर केलेल्या अहवालानुसार शिक्षकांना कराव्या लागणाऱ्या कामांचे शैक्षणिक आणि अशैक्षणिक असे वर्गीकरण करण्यात आले. तसेच निवडणूक, जनगणना अशी काही अशैक्षणिक कामे शिक्षकांना करणे बंधनकारक असल्याचे स्पष्ट करण्यात आले.

राज्य शैक्षणिक संशोधन आणि प्रशिक्षण परिषदेने नुकतेच वार्षिक परीक्षा आणि संकलित चाचणी- २चे वेळापत्रक जाहीर केले. त्यानुसार यंदा एप्रिल अखेरपर्यंत परीक्षा चालणार आहेत. शाळांचा लांबत चाललेला कालावधी आणि त्यात अशैक्षणिक कामांची भर, यामुळे शिक्षकांवर आणखी भार येईल, अशी शक्यता आहे. या अनुषंगाने ‘एका वृत्तवाहिनीने’ने शालेय शिक्षणमंत्र्यांशी संपर्क साधला असता, त्यांनी अशैक्षणिक कामे कमी करण्यात येणार असल्याची माहिती शालेय शिक्षणमंत्री दादा भुसे यांनी दिली.