ऑस्ट्रेलियात शिक्षणासाठी व्हिसा मिळणे झाले कठीण

एज्युवार्ता न्यूज नेटवर्क 

ऑस्ट्रेलियात शिक्षण (Education in Australia)घेण्याचे स्वप्न पाहणार्‍या विद्यार्थ्यांचे स्वप्न पूर्ण होणे आता कठीण झाले आहे. ऑस्ट्रेलियाने आंतरराष्ट्रीय विद्यार्थ्यांसाठी व्हिसा नियम (Australia visa rules for international students)कडक करण्याचा निर्णय घेतला आहे. नव्या नियमामुळे आता परदेशी विद्यार्थ्यांना ऑस्ट्रेलियाचा व्हिसा (Australia visa)मिळणे अवघड झाले आहे. याचा सर्वाधिक फटका भारतीय विद्यार्थ्यांना (Indian students will suffer)बसणार असल्याचे मानले जात आहे.

 ऑस्ट्रेलियाने यापूर्वी व्हिसा शुल्कात मोठी वाढ जाहीर केली होती. त्यानंतर 1 जुलै 2024 पासून आंतरराष्ट्रीय विद्यार्थ्यांना व्हिसा फी म्हणून 710 ऑस्ट्रेलियन डॉलर (सुमारे 39,546 रुपये)  ऐवजी 1600 ऑस्ट्रेलियन डॉलर (सुमारे 89,118 रुपये) भरावे लागतील. अहवालानुसार, व्हिजिटर व्हिसा आणि स्टुडंट व्हिसाधारक यापुढे ऑनशोर स्टुडंट व्हिसासाठी अर्ज करू शकणार नाहीत. काही भारतीय पर्यटक व्हिसावर ऑस्ट्रेलियात येत असल्याचे समजते. पुढे कुठल्यातरी कॉलेजमध्ये प्रवेश घेऊन त्यांना स्टडी व्हिसा मिळतो.

ऑस्ट्रेलियामध्ये शिकण्यासाठी विद्यार्थ्यांना आता त्यांच्या बचत खात्यात पूर्वीपेक्षा जास्त पैसे ठेवावे लागतील. ऑस्ट्रेलियन व्हिसासाठी पात्र होण्यासाठी, विद्यार्थ्यांना 16.2 लाख रुपयांची किमान बचत दाखवावी लागेल. व्हिसासाठी केवळ भाषा परीक्षा IELTS उत्तीर्ण करणे पुरेसे नाही. चांगले गुण मिळणे महत्त्वाचे आहे. तात्पुरत्या पदवीधर व्हिसासाठी पूर्वी 6.0 गुण असणे आवश्यक होते, आता ते 6.5 करण्यात आले आहे.

तात्पुरत्या पदवीधर व्हिसाचे वय म्हणजेच TGV कमी करण्यात आले आहे. नव्या नियमानुसार ती आता 35 वर्षे करण्यात आली आहे. पूर्वी वयोमर्यादा 50 वर्षे असायची.
भारतीय उच्चायोगानुसार, जानेवारी-सप्टेंबर 2023 मध्ये एकूण 1लाख 22 हजार 391 भारतीय विद्यार्थी ऑस्ट्रेलियात शिकत होते. 2022 मध्ये, एकूण 1  लाखाहून अधिक भारतीय विद्यार्थी ऑस्ट्रेलियातील विविध संस्थांमध्ये शिक्षण घेत होते. ऑस्ट्रेलियात एकूण 9 लाख 76 हजार भारतीय राहतात.