DFSL: वैज्ञानिक प्रयोगशाळेच्या ५२५ जागांसाठी भरती प्रक्रिया सुरू
इच्छुक आणि पात्र उमेदवारांकडून अर्ज मागवण्यात आले आहेत. भरती प्रक्रियेत सहभागी होणारे उमेदवार DFSL चे अधिकृत संकेतस्थळ https://dfsl.maharashtra.gov.in/ वर जाऊन अर्ज भरू शकतात.
eduvarta@gmail.com 
एज्युवार्ता न्यूज नेटवर्क
नोकरीच्या शोधत असलेल्या तरुणांसाठी महत्त्वाची अपडेट समोर आली आहे. संचालक, न्यायसहायक वैज्ञानिक प्रयोगशाळा संचालनालय (DFSL) अंतर्गत विविध पदांच्या एकूण ५२५ जागा (Total 525 vacancies for various posts) भरण्यात येणार आहेत. त्या अनुषंगाने इच्छुक आणि पात्र उमेदवारांकडून अर्ज मागवण्यात आले आहेत. भरती प्रक्रियेत सहभागी होणारे उमेदवार DFSL चे अधिकृत संकेतस्थळ https://dfsl.maharashtra.gov.in/ वर जाऊन अर्ज भरू शकतात.
या भरती मोहिमेअंतर्गत सहायक वैज्ञानिक विश्लेषक (गट-क) १६६ पदे, वैज्ञानिक सहायक (गट-ब) १६६ पदे, प्रयोगशाळा परिचर (गट-ड) १६६ पदे, तर लिपिक टंकलेखक (गट-क) २७ पदे अशा एकूण ५२५ जागांसाठी ही भरती प्रक्रिया राबवली जाणार आहे. संचालक, न्यायसहायक वैज्ञानिक प्रयोगशाळा संचालनालयाच्या अधिनस्थ प्रयोगशाळेमधील प्रलंबित प्रकरणांचा निपटारा करण्याकरिता ही पदे भरण्यात येत असल्याचे सांगण्यात आले आहे.
विविध संवर्गातील ५२५ पदे २ वर्षाकरिता बाह्ययंत्रणेद्वारे ठोक मानधनावर भरण्यास शासन निर्णयान्वये मान्यता देण्यात आलेली आहे. सहायक वैज्ञानिक विश्लेषक आणि वैज्ञानिक सहायक पदासाठी अर्ज करणारा उमेदवार रसायनशास्त्र, बायो-केमिस्ट्री किंवा फॉरेन्सिक सायन्सच्या कोणत्याही शाखेतील किमान दुसऱ्या श्रेणीत पदव्युत्तर पदवी धारक असणे आवश्यक आहे. अधिक आणि सविस्तर माहितीसाठी अधिकृत संकेतस्थळाला भेट द्यावी.
