'एसएससी'मार्फत विविध पदांच्या २ हजार ४२३ जागांसाठी भरती प्रक्रिया सुरू  

एज्युवार्त न्यूज नेटवर्क 

नोकरीच्या शोधात असलेल्या तरुणांसाठी महत्त्वाची बातमी समोर आली आहे. स्टाफ सिलेक्शन कमिशन (Staff Selection Commission) मार्फत विविध पदांच्या भरतीसाठी जाहिरात प्रसिद्ध (Advertisement published) करण्यात आली आहे. त्यानुसार या भरती प्रक्रियेला सुरुवात झाली आहे. या भरती मोहिमेअंतर्गत २ हजार ४२३ जागा भरल्या जाणार (2,423 seats will be filled) आहेत. त्यासाठी इच्छुक आणि पात्र उमेदवार एसएससी चे अधिकृत https://ssc.gov.in/ वर जाऊन अर्ज करू शकतात. अर्ज करण्याची अंतिम मुदत २३ जूनपर्यंत देण्यात आली आहे. 

या भरती मोहिमेअंतर्ग कॅन्टीन अटेंडंट, फ्युमिगेशन असिस्टंट, ज्युनियर इंजिनिअर, टेक्निकल सुपरिटेंडेंट, सिनियर सायंटिफिक असिस्टंट, गर्ल कॅडेट इन्स्ट्रक्टर, मॅनेजर कम अकाउंटंट, फायरमन, सिव्हिलियन मोटर ड्रायव्हर, टेक्निकल ऑफिसर यासह अन्य पदे भरली जाणार आहेत.  जनरल/ओबीसी उमेदवारांना १०० रुपये तर एससी/ एसटी/ पीडब्ल्यूडी/ माजी सैनिक आणि महिला उमेदवारांना कोणताही परीक्षा शुल्क आकारण्यात आलेला नाही.  वेगवेगळ्या पदांनुसार वेगवेगळी वयोमर्यादा व शैक्षणिक पात्रता असणार आहे. त्यासाठी उमेदवारांनी अधिकृत संकेतस्थळावर प्रसिद्ध करण्यात आलेल्या जाहिरातीमधील तपशील वाचावा.  

या भरती प्रक्रियेत सहभागी होण्यासाठी 10वी उत्तीर्ण/ 12वी उत्तीर्ण/ पदवीधर पदवी आणि त्यावरील किंवा समतुल्य शैक्षणिक पात्रता पूर्ण केलेली असणे बंधनकारक आहे. तसेच अर्ज करणाऱ्या उमेदवाराचे वय 1 ऑगस्ट 2025 रोजी 18 ते 38 वर्षे असणे आवश्यक आहे. भरती नियमानुसार एससी व एसटी प्रवर्गातील उमेदवारांना ५ वर्षे तर ओबीसी उमेदवारांना ३ वर्षे सूट देण्यात आली आहे.