रेल्वे रिक्रूटमेंट बोर्डाकडून पॅरा-मेडिकल पदांवर भरती
या पदांसाठी अर्ज करू इच्छुणारे पात्र उमेदवार 16 सप्टेंबर 2024 पर्यंत अर्ज करू शकतात.
eduvarta@gmail.com 
एज्युवार्ता न्युज नेटवर्क
रेल्वेत नोकरी करण्याची इच्छा असणाऱ्यांसाठी महत्त्वाची माहिती आहे. रेल्वे भर्ती बोर्डाने (RRB) भरतीची अधिसूचना जारी (Notification issued) केली आहे. या अधिसूचनेनुसार बोर्ड पॅरा-मेडिकल (Paramedical Posts) पदांच्या विविध श्रेणींवर भरती करण्यात येणार आहे. या भरती मोहिमेसाठी अर्ज प्रक्रिया (Application Process) सुरू झाली आहे. या पदांसाठी अर्ज करू इच्छुणारे पात्र उमेदवार (candidates) 16 सप्टेंबर 2024 पर्यंत अर्ज करू शकतात. या भरती मोहिमेद्वारे एकूण 1 हजार 376 पदे भरण्यात येणार आहेत.
अर्ज करणाऱ्या उमेदवारांचे वय पदानुसार बदलते. तथापि, विविध पदांसाठी किमान वय १८ वर्षे आहे. राखीव प्रवर्गातील उमेदवारांना उच्च वयोमर्यादेत सवलत दिली जाईल. उमेदवार अधिकृत अधिसूचनेत पात्रतेशी संबंधित अधिक तपशील तपासू शकतात.
या पदांसाठी उमेदवारांच्या निवडीसाठी संगणक आधारित परीक्षा आयोजित केली जाईल. परीक्षेनंतर कागदपत्रांची पडताळणी आणि वैद्यकीय तपासणी केली जाईल. अर्ज करणाऱ्या उमेदवारांना अर्ज फी म्हणून 500 रुपये शुल्क भरावे लागेल. तर SC, ST, माजी सैनिक, PwBD, महिला, ट्रान्सजेंडर, अल्पसंख्याक किंवा आर्थिकदृष्ट्या कमकुवत विभाग (EBC) उमेदवारांना 250 रुपये शुल्क भरावे लागेल. उमेदवार इंटरनेट बँकिंग, डेबिट/क्रेडिट कार्ड किंवा UPI द्वारे फी भरू शकतात.
