शारीरिक शिक्षण संचालक महाविद्यालयीन शिक्षणातील फिलर नव्हे; तर पिलर: डॉ. पराग काळकर 

एज्युवार्ता न्यूज नेटवर्क 

" क्रीडा आणि शारीरिक शिक्षण संचालक हे महाविद्यालयीन शिक्षणातील हे फिलर नव्हे, तर पिलर आहेत. तसेच शारीरिक शिक्षण आणि क्रीडा ही केवळ उपक्रमाची पूर्तता नसून विद्यार्थ्यांच्या सर्वांगीण विकासाचे एक महत्त्वाचे माध्यम आहे", असे प्रतिपादन सावित्रीबाई फुले पुणे विद्यापीठाचे प्र-कुलगुरू प्रा. डॉ. पराग काळकर यांनी केले. 

 सावित्रीबाई फुले पुणे विद्यापीठाच्या क्रीडा व शारीरिक शिक्षण मंडळ आणि मराठवाडा मित्र मंडळाचे अभियांत्रिकी महाविद्यालय यांच्या संयुक्त विद्यमाने आयोजित करण्यात आलेल्या 37 व्या शारीरिक शिक्षण संचालक चर्चासत्र व क्रीडा मार्गदर्शन शिबिरास शिबिराच्या उदघाटन प्रारंभ काळकर बोलत होते.यावेळी
मराठवाडा मित्र मंडळचे कार्याध्यक्ष भाऊसाहेब जाधव, अधिष्ठाता डॉ. संजय तांबट, अधिसभा सदस्य डॉ. रमेश गायकवाड,कृष्णा भंडलकर, गणपत नांगरे, विद्यापीठाचे सहाय्यक संचालक डॉ. सुदाम शेळके, क्रीडा मंडळ सदस्य डॉ. उमेश बिबवे, पुणे शहर विभागीय क्रीडा समिती अध्यक्ष डॉ. इक्बाल शेख, प्रभारी प्राचार्य प्रा. डॉ. के. आर. पाटील आदी उपस्थित होते.

कर्वेनगर, पुणे येथील निसर्गरम्य परिसरात भरविण्यात आलेल्या या शिबिरात राज्यभरातील शारीरिक शिक्षण संचालकांनी उत्स्फूर्त सहभाग नोंदवला आहे. हे शिबिर 17 जुलै 2025 ते 19 जुलै 2025 दरम्यान आयोजित करण्यात आले आहे. राज्यभरातील क्रीडा शिक्षण अधिक गतिमान करण्याच्या दिशेने हे शिबिर महत्त्वपूर्ण ठरणार असल्याचा विश्वास अनेकांनी व्यक्त केला. उदघाटनप्रसंगी मराठवाडा मित्र मंडळाचे अभियांत्रिकी महाविद्यालयतील सर्व विभागप्रमुख, सावित्रीबाई फुले पुणे विद्यापीठतील सर्व विभागतील शारीरिक शिक्षण संचालक जास्त संख्येने उपस्थित होते. कार्यक्रमाचे समन्वयक डॉ. तुषार गुजर, शारीरिक शिक्षण संचालक, मराठवाडा मित्र मंडळाचे अभियांत्रिकी महाविद्यालय यांनी सर्व मान्यवरांचे व सहभागींचे मन:पूर्वक आभार मानले.