पीएम इंटर्नशिप योजनेत एका दिवसात निर्धारित संख्येपेक्षा अधिक उमेदवारांची नोंदणी

एज्युवार्ता न्यूज नेटवर्क 

पीएम इंटर्नशिप योजना (PM Internship Scheme) पोर्टल वर 12 ऑक्टोबर पासून नोंदणीला सुरुवात झाली (Registration started from October 12) पहिल्या टप्यात 1 लाख 25 हजार नोंदणी निर्धारित करण्यात आली होती पण प्रत्यक्षात मात्र, एका दिवसात दीड लाखांपेक्षा अधिक उमेदवारांनी नोंदणी केली आहे (More than one and a half lakh candidates have registered in a day)

मीडिया रिपोर्टनुसार, या इंटर्नशिप योजनेत नोंदणी करण्यासाठी 12 ऑक्टोबरला संध्याकाळी 5 वाजता नोंदणी विंडो उघडण्यात आली होती. 13 ऑक्टोबर म्हणजे रविवारी पोर्टलवर नोंदणी केलेल्या उमेदवारांची संख्या 1 लाख 55 हजार 109 झाली आहे. या योजनेच्या पायलट प्रोजेक्टसाठी फक्त १.२५ लाख उमेदवारांचेच  लक्ष्य ठेवण्यात आले होते.

इच्छुक उमेदवार  'https://pminternship.mca.gov.in/login/ ' या अधिकृत वेबसाइटद्वारे अर्ज करू शकतात. यासाठी अर्ज करणाऱ्यांचे वय 21 ते 24 वर्षे असावे. पीएम इंटर्नशिप योजनेंतर्गत इंटर्नशिप 2 डिसेंबरपासून सुरू होईल. या योजनेअंतर्गत, इंटर्नला 12 महिन्यांसाठी 5 हजार रुपये मासिक आर्थिक सहाय्य आणि 6 हजार रुपये एकवेळ अनुदान मिळेल.

केंद्रीय अर्थमंत्री निर्मला सीतारमन (Union Finance Minister Nirmala Sitharaman) यांनी 2024 च्या केंद्रीय अर्थसंकल्पात घोषित केलेल्या या योजनेचे उद्दिष्ट 12 महिन्यांसाठी भारतातील टॉप 500 कंपन्यांमध्ये इंटर्न करण्याची संधी प्रदान करणे आहे.