पवित्र पोर्टल बंद होणार ? शिक्षण राज्यमंत्र्यांनी स्पष्टच सांगितलं..

एज्युवार्ता न्यूज नेटवर्क

राज्यातील शिक्षक भरती प्रक्रियेसंदर्भात विधानपरिषद सदस्य जयंत आसगावकर (Jayant Asgaonkar) यांनी पवित्र पोर्टल बंद करण्यासाठी उपस्थित केलेल्या लक्षवेधी सूचनेला उत्तर देताना शालेय शिक्षण राज्यमंत्री डॉ. पंकज भोयर (Dr. Pankaj Bhoyar) स्पष्टीकरण दिले.  पवित्र पोर्टलमध्ये (Pavitra Portal Recruitment) आवश्यक त्या सुधारणा केल्या जातील, मात्र बंद (Pavitra Portal it won't close) केले जाणार नाही. तसेच राज्यातील शिक्षक भरती प्रक्रिया सुरूच राहील, अशी माहिती डॉ. भोयर यांनी  विधानपरिषदेत दिली.

राज्यात 2017 पासून उच्च न्यायालयाच्या निर्देशानुसार स्थानिक स्वराज्य संस्था, खासगी अनुदानित शाळा व विनाअनुदानित शाळांमध्ये शिक्षक पदे भरण्यासाठी पवित्र पोर्टलची निर्मिती करण्यात आली आहे. या पोर्टलच्या माध्यमातून रिक्त पदांनुसार उमेदवारांची नियुक्ती केली जाते. मात्र, अनेक वेळा उमेदवार उपस्थित राहत नाहीत किंवा पात्र ठरत नाहीत, अशी समस्या निर्माण झाली आहे.

टिळक विद्यापीठाचे माजी कुलगुरू डॉ. दीपक टिळक यांचे निधन

उच्च गुणवत्ता असलेल्या उमेदवारांना संधी मिळावी यासाठी उपाययोजना केली जाणार आहे. पोर्टल बंद ठेवणे उचित नसून प्रक्रिया सुरूच ठेवण्यात येणार आहे. आधीच नियुक्त उमेदवारांची नावे पोर्टलवरून हटवण्याचे निर्देश विभागाला देण्यात येणार आहेत. संस्थाचालकांना पारदर्शक, कार्यक्षम आणि सुलभ भरती प्रक्रिया सुनिश्चित केली जाईल, भोयर म्हणाले.

विद्यार्थ्यांना दर्जेदार शिक्षक मिळावेत यासाठी लवकरात लवकर भरती प्रक्रिया राबवली जाईल. सर्व योग्य सूचना शासन विभाग निश्चितपणे लक्षात घेईल आणि पवित्र पोर्टल अधिक कार्यक्षम बनवण्यासाठी पुढाकार घेईल, अशी माहिती राज्यमंत्री डॉ. भोयर यांनी यावेळी दिली.