संस्थात्मक आणि वैयक्तिक प्रगतीसाठी राष्ट्रीय शैक्षणिक धोरण अनुकूल - कुलगुरु डॉ. संजीव सोनवणे

एज्युवार्ता न्यूज नेटवर्क

महासंघाचे कार्य भारताला विश्वगुरु सिद्धतेत महत्वाचे योगदान – मा. जी. लक्ष्मण

राष्ट्रीय शैक्षणिक धोरणाच्या (NEP) माध्यमातून शिक्षण क्षेत्रात आमूलाग्र बदल घडवण्याची संधी असून ज्ञाननिर्मित समाजाची उभारणी करण्यासाठी अनुकूल वातावरण लाभले असल्याचे मत मा. कुलगुरू डॉ. संजीव सोनवणे (Hon. Vice Chancellor Dr. Sanjeev Sonawane) यांनी व्यक्त केले आहे. तसेच उच्च शिक्षण क्षेत्रात सेवा देत असताना प्रत्येक शिक्षकाने उच्च शिक्षणाचे ध्येय समजून घेऊन त्याला साध्य करण्यासाठी आवश्यक कौशल्ये आत्मसात करण्याची आवश्यकता असल्याचंही त्यांनी म्हटल आहे. यशवंतराव चव्हाण महाराष्ट्र मुक्त विद्यापीठ (Yashwantrao Chavan Maharashtra Open University), नाशिक स्थित यश इन आंतरराष्ट्रीय प्रचार केंद्र याठिकाणी दोन दिवसीय कार्यशाळा (Two-day workshop on National Education Policy - 2020) आयोजित करण्यात आली होती यावेळी ते बोलत होते.   

अखिल भारतीय राष्ट्रीय शैक्षिक महासंघ (उच्च शिक्षा) महाराष्ट्र प्रदेश कार्यकारिणी तसेच यशवंतराव चव्हाण महाराष्ट्र मुक्त विद्यापीठ, नाशिक याच्या संयुक्त विद्यमाने “राष्ट्रीय शैक्षणिक धोरण - २०२० या विषयावर दोन दिवसीय कार्यशाळा दिनांक १३ आणि १४ एप्रिल २०२५ दरम्यान आयोजित करण्यात आली होती. या कार्यशाळेचे उद्घाटन शैक्षिक महासंघाचे राष्ट्रीय सचिव तथा महाराष्ट्र प्रांत (उच्च शिक्षण) अध्यक्ष प्रा. प्रदीप खेडकर यांच्या अध्यक्षतेत यशवंतराव चव्हाण महाराष्ट्र मुक्त विद्यापीठ, नाशिकचे कुलगुरु डॉ. संजीव सोनवणे यांच्या हस्ते पार पडले. याप्रसंगी शैक्षिक महासंघाचे राष्ट्रीय सह-संघटन मंत्री मा. जी. लक्ष्मण यांची प्रमुख उपस्थिती होती. तसेच डॅा ए.पी.कुलकर्णी कार्यशाळेचे आयोजक शैक्षिक महासंघाचे सावित्रीबाई फुले पणे विद्यापीठ अध्यक्ष डॉ. डी. बी. पवार उपस्थित होते.

मंत्री लक्ष्मण यांनी भारताच्या ज्ञानपरंपरांचे या आधुनिक काळात असलेले परस्परसंबंध, तंत्रज्ञानाच्या मुळाशी असलेल्या भारतीय परंपरेचे महत्व विविध उदाहरणाच्या मदतीने पटवून दिले. महासंघाचे कार्य भारताला विश्वगुरु सिद्धतेत महत्वाची भूमिका बजावत असल्याबाबत त्यांनी अभिमान व्यक्त केला. उद्घाटन समारंभाच्या अध्यक्षीय विवेचनात प्रा. प्रदिपजी खेडकर यांनी महासंघाच्या प्रत्येक विभागीय संघटनांच्या कार्याचा आलेख उपस्थितांसमोर मांडला.

या दोन दिवसीय कार्यशाळेत सहा सत्रांचे नियोजन करण्यात आले होते. यामध्ये - NEP विद्यापिठशः सद्यस्थिती; संघठन विस्तार: सदस्यता, संवर्ग, प्रकोष्ठ कार्यपद्धती; संगठण कार्यक्रम: राष्ट्र, राज्य एवं विभाग; संघठन कार्य मे महिला सहभाग; संगठण: समस्या – समाधान आणि पंचपरीवर्तन अशा विविध विषयांवर विचारांचे आदान प्रदान झाले.

दरम्यान, अखिल भारतीय राष्ट्रीय शैक्षिक महासंघ सावित्रीबाई फुले पुणे विद्यापीठ या महासंघाच्या विभागीय संघटनेने या कार्यक्रमाचे यशस्वी नियोजन केले. कार्यशाळेत राज्यातील सर्वच विद्यापीठाचे प्राध्यापक उपस्थित होते. उद्घाटन समारंभाचे संचलन डॉ. सी. डी. उपासनी यांनी केले तर आभार डॉ. वैभव बुचके यांनी केले.