अभियांत्रिकी आणि वैद्यकीय अभ्यासक्रमांसाठी १००% मोफत कोचिंग, 'साथी' कडून नोंदणी प्रक्रिया सुरू
शिक्षण मंत्रालयाचे 'साथी प्लॅटफॉर्म' (प्रवेश परीक्षांसाठी स्वयं मूल्यांकन चाचणी आणि मदत) नोंदणीकृत सर्व विद्यार्थ्यांना १०० टक्के मोफत प्रशिक्षण देते, आयआयटी-एम्सचे वरिष्ठ प्राध्यापक आणि मार्गदर्शक विद्यार्थ्यांना त्यांच्या अभ्यासात मदत करतात. या पोर्टलवर लाईव्ह क्लासेस, व्हिडिओ लेक्चर्सपर्यंत सर्व काही उपलब्ध आहे.
eduvarta@gmail.com 
एज्युवार्ता न्यूज नेटवर्क
अभियांत्रिकी (JEE) आणि वैद्यकीय (NEET) ची तयारी सुरू करू इच्छिणाऱ्या (For students who want to start preparing for JEE and NEET) अकरावी आणि बारावीच्या विद्यार्थ्यांना केंद्रीय शिक्षण मंत्रालयाने एक मोठी संधी दिली आहे. शिक्षण मंत्रालयाचे 'साथी प्लॅटफॉर्म' (प्रवेश परीक्षांसाठी स्वयं मूल्यांकन चाचणी आणि मदत) नोंदणीकृत सर्व विद्यार्थ्यांना १०० टक्के मोफत प्रशिक्षण देणार आहे. देशातील या दोन प्रमुख प्रवेश परीक्षांच्या तयारीसाठी ऑनलाइन नोंदणीची प्रक्रिया सुरू झाली आहे आणि २५ एप्रिलपासून नवीन बॅचेस सुरू होत आहेत.
शिक्षण मंत्रालयाने साथी पोर्टलवर २५ एप्रिलपासून चार नवीन बॅचसाठी नोंदणी विंडो उघडली आहे. अभियांत्रिकीमध्ये जेईई मेन आणि वैद्यकीयमध्ये एनईईटीची तयारी करण्यासाठी अकरावी आणि बारावी (१२वी उत्तीर्ण देखील) चे दोन वेगवेगळे बॅच असतील. सध्या अकरावीत असलेले विद्यार्थी जेईई मेन आणि नीट २०२७ च्या परीक्षेत बसतील. त्याचप्रमाणे, नुकतेच बारावी उत्तीर्ण झालेले विद्यार्थी २०२६ च्या प्रवेश परीक्षेला बसतील.
तसेच जेईईसाठी अकरावी आणि बारावीचे दोन बॅच असतील. मेडिकल नीटसाठी अकरावी आणि बारावीचे दोन बॅच असतील. जेईई मेनचा निकाल जाहीर झाला आहे आणि ज्या विद्यार्थ्यांना चांगले गुण मिळाले नाहीत किंवा २०२६ मध्ये पुन्हा परीक्षेला बसू इच्छितात ते १२वी बॅचमध्ये मोफत कोचिंगसाठी अर्ज करू शकतात.
आयआयटी-एम्सचे वरिष्ठ प्राध्यापक आणि मार्गदर्शक विद्यार्थ्यांना त्यांच्या अभ्यासात मदत करतात. या पोर्टलवर लाईव्ह क्लासेस, व्हिडिओ लेक्चर्सपर्यंत सर्व काही उपलब्ध आहे.
