दहावी उत्तीर्णांना नोकरीची संधी; सीमा पोलीस दलात रिक्त जागांसाठी अधिसूचना प्रसिद्ध...

एज्युवार्ता न्यूज नेटवर्क 

इंडो-तिबेट सीमा पोलीस दल (Indo-Tibetan Border Police Force) अंतर्गत कॉन्स्टेबल (स्वयंपाकघर सेवा) पदांच्या (Constable (Kitchen Service) Post) एकूण 819 रिक्त जागा भरण्यासाठी अधिसूचना जाहीर (Notification published) करण्यात आली आहे. भरतीसाठी 2 सप्टेंबर पासून ऑनलाईन भरण्यास सुरूवात होणार आहे. तर अर्ज करण्याची शेवटची मुदत 1 ऑक्टोबर पर्यंत देण्यात आली आहे. इच्छुक आणि पात्र उमेदवार ITBP (आयटीबीपी) ची अधिकृत वेबसाइट recruitment.itbpolice.nic.in वर अर्ज करु शकतात.

ITBP भरती अर्ज करण्यासाठी उमेदवाराचे शिक्षण मान्यताप्राप्त बोर्डातून 10 वी किंवा समकक्ष झालेले असणे आवश्यक आहे. शिवाय उमेदवारांचे वय 18 ते 25 वर्ष या दरम्यान असावे. ओबीसी उमेदवारांना 3 वर्ष तर इतर मागासवर्गीय प्रवर्गातील उमेदवारांना वय मर्यादेत  5 वर्ष सूट देण्यात आली आहे.  भरतीसाठी अर्ज करणाऱ्या सर्वसाधारण उमेदवारांना 100 रूपये परीक्षा शुल्क आकारण्यात येणार आहे. तर इतर मागासवर्गीय उमेदवार व महिला उमेदवारांना कोणतेही शुल्क द्यावे लागणार नाही.

असा भरा अर्ज 

प्रथम ITBP च्या recruitment.itbpolice.nic.in या अधिकृत वेबसाइटवर जा. त्यामध्ये कॉन्स्टेबल (स्वयंपाकघर सेवा भरती 2024 विभाग निवडा. ऑनलाइन अर्ज करा लिंकवर क्लिक करुन अर्जाचा तपशील भरा. अर्जासोबत आवश्यक कागदपत्रे अपलोड करा. त्यानंतर अर्ज शुल्क भरा आणि अर्ज सबमिट करा. अर्जाची प्रिंट काढून तुमच्याकडे ठेवा.