ICSE १० वी पुरवणी परीक्षेचा निकाल जाहीर; असा पाहा निकाल
एक किंवा दोन विषयात अनुत्तीर्ण झाले किंवा बोर्ड परीक्षेतील गुणांबाबत समाधानी नाहीत, अशा विद्यार्थ्यांसाठी CISCE १० वी सुधार/पुरवणी परीक्षा घेण्यात आली होती.
eduvarta@gmail.com 
एज्युवार्ता न्यूज नेटवर्क
कौन्सिल फॉर इंडियन स्कुल सर्टिफिकेट एक्झामिनेशन (CISCE) च्या १० वी पुरवणी परीक्षेचा निकाल जाहीर करण्यात आला आहे. विद्यार्थी results.cisce.org या वेबसाईट वर आपला निकाल पाहू शकतात. (10th result Declared)
जे विद्यार्थी ICSE माध्यमिक परीक्षेत एक किंवा दोन विषयात अनुत्तीर्ण झाले किंवा बोर्ड परीक्षेतील गुणांबाबत समाधानी नाहीत, अशा विद्यार्थ्यांसाठी CISCE १० वी सुधार/पुरवणी परीक्षा घेण्यात आली होती. ही परीक्षा १२ ते १९ जुलै २०२३ या कालावधीत घेण्यात आली होती.
पुरवणी परीक्षा उत्तीर्ण झाले आहेत आणि ज्यांचे एकूण निकाल PCNA (पास सर्टिफिकेट्स नॉट अवॉर्ड) वरून PCA (पास सर्टिफिकेट अवॉर्ड) किंवा SPCNA (पूरक पास सर्टिफिकेट नॉट अवॉर्ड) वरून SPCA (पूरक पास सर्टिफिकेट अवॉर्ड केलेले) मध्ये बदलले आहेत त्यांनी त्यांच्या शाळेमार्फत CISCE कडे मूळ गुणांचे प्रत परत करणे आवश्यक आहे. ते मिळाल्यावर, गुणांचे सुधारित गुणपत्रक आणि उत्तीर्ण प्रमाणपत्र उमेदवारांच्या शाळेत पाठवले जाईल, असे बोर्डाकडून कळवण्यात आले आहे.
असा पाहू शकता निकाल
* सर्वप्रथम cisce.org या अधिकृत वेबसाइटला भेट द्या.
* होमपेजवरून 'CISCE बोर्ड कंपार्टमेंट रिझल्ट 2023' या लिंकवर क्लिक करा
* वर्ग, यूआयडी आणि इंडेक्स क्रमांक यांसारखे आवश्यक तपशील प्रविष्ट करा.
* तुमचा तपशील एंटर करा आणि ICSE कंपार्टमेंट/सुधारणा निकाल स्क्रीनवर दिसेल.
* आपला निकाल डाउनलोड करा व प्रिंटाऊट घ्या.
शैक्षणिक बातम्यांचे अपडेट मिळविण्यासाठी व्हॉट्सअप ग्रुपमध्ये सहभागी व्हा.
