'एकाच वेळी दोन अभ्यासक्रमांना प्रवेश' नियमाचा शिक्षण संस्थांना विसर; UGC चा इशारा 

एज्युवार्ता न्यूज नेटवर्क 

एकाच वेळी दोन अभ्यास करण्याची मुभा विद्यापीठ अनुदान आयोगाने (University Grants Commission) UGC ने विद्यार्थ्यांना देऊन दोन वर्ष होत आली आहे. (UGC dual degree rule guidelines) मात्र, उच्च शिक्षण संस्थांना या नियमाचा विसर पडल्याचे चित्र आहे. अनेक विद्यार्थ्यांनी या संदर्भात UGC कडे तक्रार नोंदवली असून (Students filed a complaint with UGC in this regard) आता या पार्श्वभूमीवर UGC ने शिक्षण संस्थांना पत्र पाठवत कारवाईचा इशारा दिला आहे. (UGC has sent a letter to educational institutions) 

एप्रिल २०२२ मध्ये यूजीसीने दोन अभ्यासक्रम एकत्र चालवण्याचा निर्णय घेतला होता. त्यानंतर सप्टेंबरमध्ये अंतिम मार्गदर्शक तत्त्वेही जाहीर करण्यात आली. मार्गदर्शक तत्त्वे लागू होऊन दोन वर्षांहून अधिक काळ लोटला आहे, पण तरीही दोन अभ्यासक्रमांना एकाच वेळी प्रवेश घेता येत नसल्याच्या तक्रारी यूजीसीकडे येत आहेत. मार्गदर्शक तत्त्वांची गांभीर्याने अंमलबजावणी करावी, असे UGC ने आपल्या पत्रात म्हटले आहे. UGC चे सचिव प्राध्यापक मनीष आर जोशी यांनी हे पत्र लिहिले आहे. 

कधी स्थलांतराचा दाखला नसल्याचे कारण सांगून, तर कधी शाळा सोडल्याचा दाखला नसल्याने प्रवेश दिला जात नसल्याचे विद्यार्थ्यांचे म्हणणे आहे. स्थलांतर प्रमाणपत्राअभावी विद्यार्थ्याला दुसऱ्या अभ्यासक्रमात प्रवेश न दिल्यास दोन पदवी अभ्यासक्रमांचा उद्देश साध्य होत नाही. दोन अभ्यासक्रमांना प्रवेश घेताना विद्यार्थ्यांना अडचणी येणार नाहीत,अशी यंत्रणा निर्माण करावी लागेल, असे जोशी यांनी संस्थांना सांगितले आहे.

राष्ट्रीय शैक्षणिक धोरण (NEP 2020) अंतर्गत राबविण्यात येत असलेल्या शैक्षणिक सुधारणांची अंमलबजावणी कोणत्याही परिस्थितीत करावी लागेल. ज्या शैक्षणिक संस्था असे करण्यात निष्काळजीपणा करतील त्यांना जबाबदार धरले जाईल, असा इशारा  UGC ने विद्यापीठांना दिला आहे.