परीक्षा ही आयुष्याची अंतिम कसोटी नाही, चुका शोधा आणि पुढे जा; उपमुख्यमंत्री शिंदे 

एज्युवार्ता न्यूज नेटवर्क 

महाराष्ट्र राज्य माध्यमिक व उच्च माध्यमिक शिक्षण मंडळाने (Maharashtra State Secondary and Higher Secondary Education Board) आज, 13 मे रोजी दहावीचा निकाल जाहीर (10th class result announced) केला. या परीक्षेत अपेक्षित यश न मिळालेल्या विद्यार्थ्यांनी निराश होण्याचे कारण नाही. परीक्षा ही आयुष्याची अंतिम कसोटी नसते. अपयश ही यशाच्या दिशेने टाकलेली एक पायरी आहे. आत्मपरीक्षण करा, चुका शोधा आणि नव्या उत्साहाने पुढे या. यश नेहमीच तयारीची वाट पाहत असतं. स्वत:वर विश्वास ठेवा आणि पुन्हा प्रयत्न करा, असा मोहाचा सल्ला राज्याचे उपमुख्यमंत्री एकनाथ शिंदे (Deputy Chief Minister Eknath Shinde) आणि दहावीच्या परीक्षेत कमी गुण मिळालेल्या विद्यार्थ्यांना दिला आहे.

दहावीच्या परीक्षेत मुलींच्या यशाची वाढती टक्केवारी ही समाजातील सकारात्मक बदलाचे प्रतीक आहे. शिक्षणाच्या माध्यमातून मुली आत्मनिर्भर बनत असून, हे यश त्यांच्या परिश्रम आणि कुटुंबियांच्या पाठिंब्याला दिलेली पावती आहे, अशा शब्दांत उपमुख्यमंत्री एकनाथ शिंदे यांनी अभिनंदन केले आहे. दहावीच्या परीक्षेचा निकाल जाहीर झाला असून यामध्ये राज्यातील विद्यार्थ्यांनी उल्लेखनीय यश मिळवले आहे. उपमुख्यमंत्री शिंदे यांनी या यशाबद्दल सर्व यशस्वी विद्यार्थ्यांचे मनःपूर्वक अभिनंदन केले आहे.

उपमुख्यमंत्री शिंदे म्हणाले की, दहावी हा विद्यार्थ्यांच्या शैक्षणिक प्रवासातील एक महत्त्वाचा टप्पा आहे. या टप्प्यावर यश मिळवणे ही केवळ परीक्षेतील कामगिरी नसून त्यामागे विद्यार्थ्यांची मेहनत, पालकांचा पाठिंबा आणि शिक्षकांचे मार्गदर्शन असते. या सर्वांचे मी मनःपूर्वक अभिनंदन करतो.