डॉ. आंबेडकर महाविद्यालयाला नॅकची 'बी प्लस' श्रेणी
नॅक मूल्यांकन समितीने ९ व १० सप्टेंबरला महाविद्यालयाला भेट देवुन पाहणी व तपासणी केली होती.
eduvarta@gmail.com 
एज्युवार्ता न्यूज नेटवर्क
पीपल्स एज्युकेशन सोसायटीच्या येरवडा येथील डॉ.आंबेडकर कला व वाणिज्य महाविद्यालयाला (Dr. Ambedkar College of Arts and Commerce) राष्ट्रीय मूल्यांकन आणि प्रमाणन परिषदेने (NACC) शैक्षणिक मूल्यांकनात 'बी प्लस' श्रेणी (Awarded 'B Plus' category) प्रदान केली आहे.
नॅक मूल्यांकन समितीने ९ व १० सप्टेंबरला महाविद्यालयाला भेट देवुन पाहणी व तपासणी केली होती. त्यात शैक्षणिक प्रक्रियेत संस्थेची कामगिरी (Performance of the institution in the educational process), अभ्यासक्रमाची निवड आणि अंमलबजावणी (Curriculum selection and implementation), शैक्षणिक दर्जा आणि मूल्यमापन (Educational standards and evaluation), विद्यार्थ्यांचे निकाल (Student Results), संशोधन कार्य आणि प्रकाशन (Research work and publication), मूलभूत सुविधा आणि संसाधनांची स्थिती (Status of basic facilities and resources), संस्था, प्रशासन, आर्थिक स्थिती आणि विद्यार्थी सेवा (Organization, Administration, Financial Status and Student Services) आदींचा समावेश होता.
महाविद्यालयाचे प्रभारी प्राचार्य डॉ.गौतम बनसोडे, आयक्युएसी समन्वयक प्रा.डॉ.रुपेश थोपटे यांच्या नेतृत्वाखाली महाविद्यालयातील सर्व प्राध्यापक, शिक्षकेत्तर कर्मचारी, विद्यार्थी यांच्या योगदानामुळे व कामगिरीमुळे महाविद्यालयाला नॅक मुल्यांकनाच्या तिसऱ्या फेरीमध्ये (थर्ड सायकल) 'बी प्लस' श्रेणी प्राप्त झाली आहे. पीपल्स एज्युकेशन सोसायटीचे अध्यक्ष आनंदराज आंबेडकर, सचिव संजीव बोधनकर, उपाध्यक्ष डॉ. डी.जी.देशकर, माजी प्राचार्य डॉ. सोमनाथ नजन, डॉ. नितीन बिरमल, डॉ. मनोज पांडकर यांचे मार्गदर्शन महाविद्यालयातील उपक्रमांना लाभते.
