व्यवस्थापन परिषद सदस्यांच्या बैठकीत कुलगुरूंच्या राजीनाम्याची मागणी?

एज्युवार्ता न्यूज नेटवर्क

सावित्रीबाई फुले पुणे विद्यापीठातील (Savitribai Phule Pune University) व्यवस्थापन परिषद सदस्यांची (Member of the Management Council) विद्यार्थी व त्यांच्या प्रतिनिधींसोबत बैठक पार पडली आहे. यावेळी एनआयआरएफ क्रमवारीत झालेली घसरण याची नौतिक जबाबदारी स्विकारून कुलगुरू यांनी राजीनामा द्यावी, अशी मागणी (Demand for resignation of Vice Chancellor) विद्यार्थी व विद्यार्थी संघटनेचे प्रतिनिधी यांनी केली आहे.  मुख्य इमारत परिसराच्या गेटवर १२ वाजल्यापासून बसून होतो. त्या ठिकाणी एमसी सदस्य संदिप पालवे यांनी सदिच्छा भेट दिली व विद्यार्थीशी संवाद साधला. त्यानंतर दुपारी २ वाजता गेस्ट हाऊसमधील मिटिंग हाॅलमध्ये सर्व आंबेडकरी विद्यार्थी संघटना प्रतिनिधी व व्यवस्थापन परिषद सदस्यांची संवाद बैठक संपन्न झाली. यावेळी विद्यार्थ्यांनी वेगवेगळे विद्यार्थी प्रश्न सदस्यांच्या समोर मांडले.

विद्यापीठात प्रवेश घेतलेल्या प्रत्येक गरजू विद्यार्थ्यांना वसतिगृह मिळाले पाहिजे. NIRF सर्वसाधारण रँकिंग 37 वरून 91 वर झालेल्या घसरणीस कारणीभूत कुलगुरूंनी राजीनामा द्यावा. प्राध्यापक पदभरती ( करारपद्धतीने ) भ्रष्टाचाराची सखोल चौकशी व कारवाई करण्यात यावी. पीएचडी प्रवेश प्रक्रियेचती गोंधळाची चौकशी करावी. पोस्ट डॉक्टरल फेलेशिप मधील भ्रष्टाचाराची चौकशी करावी. प्रभारी राज संपवण्यात यावे. विविध विद्यार्थी संघटना प्रतिनिधी व विद्यार्थीवरील गुन्हे मागे घेण्यात यावे. मुलींच्या सुरक्षिततेच्या मुद्दावर काम व्हावे. प्रत्येक गरजू विद्यार्थ्यीनीला वसतिगृहात प्रवेश मिळाला पाहिजे. घसरते रँकिंग संबंधित नैतिक जबाबदार स्वीकारून कुलगुरूंनी राजीनामा द्यावा या मागणीवर विद्यार्थी व संघटना प्रतिनिधी ठाम होते.

उपस्थित सर्व व्यवस्थापन परिषदेच्या सदस्यांनी विद्यार्थ्यांच्या सर्व मागण्यांची दखल घेत उत्तरे दिली. तसेच या सर्व प्रश्नांवर सभागृहात प्रश्न उपस्थित करण्याचे आश्वासन दिले. यावेळी राजेंद्र विखे , बागेश्री मंठाळकर , देवीदास वायदंडे, धोंडोराम पवार, रवींद्र शिंगणापूरकर , संदीप पालवे ,  संगीत जगताप इ. तसेच राज्यपाल नियुक्त सिनेट सदस्य कृष्ण भंडलकर उपस्थित होते. 
_______________________________________________

कुलगुरूंना नैतिक जबाबदारी स्वीकारून राजीनामा द्यावा अशी मागणी देखील यावेळी आम्ही व्यक्त केली आहे. एनआयआरएफ क्रमवारीत ३७ वरून ९१ क्रमांकावर झालेली घसरण अत्यंत चिंताजनक आहे. आतापर्यंतच्या इतिहासातील सर्वांत अकार्यक्षम कुलगुरू म्हणून विद्यामान कुलगुरूंची इतिहासात नोंद होणार आहे.

- राहुल ससाणे ,अध्यक्ष विद्यापीठ विद्यार्थी संघर्ष कृती समिती
_______________________________________________

विद्यापीठाचे घसरते रँकिंग धक्कादायक आहे. कुलगुरू विद्यापीठाचे प्रमुख आहेत. त्यानी तात्काळ राजीनामा दिला पाहिजे. आम्ही आमच्या सर्व मागण्या व्यवस्थापन परिषद सदस्यांना भेटून सांगितल्या आहेत.

- नितीन आंधळे, विद्यार्थी प्रतिनिधी 
_______________________________________________

लवकरच आम्ही राष्ट्रवादी काँग्रेस पक्षाच्या वतीने पुन्हा एकदा तीव्र आंदोलन करून अकार्यक्षम कुलगुरू हटाव ची मागणी करणार आहोत. आपल्या विद्यापीठाचा रँकिंग सुधारला पाहिजे यासाठी सर्व प्राध्यापक विद्यार्थी सिनेट सदस्य व व्यवस्थापन परिषदेचे यांनी एकत्रित प्रयत्न करण्याची आवश्यकता आहे.

- ओंकार बेनके, उपाध्यक्ष राष्ट्रवादी विद्यार्थी काँग्रेस, पश्चिम महाराष्ट्र