पीएच. डी. प्रवेशाच्या रिक्त जागा अद्ययावत करण्यासाठी २५ ऑक्टोबरची मुदत; उमेदवारांना प्रतीक्षा..
सावित्रीबाई फुले पुणे विद्यापीठातील पीएच.डी. प्रवेशाच्या रिक्त जागांचा तपशील अद्ययावत करण्यासाठी २५ ऑक्टोबरपर्यंतची मुदत देण्यात आली आहे. त्यामुळे मागील महिनाभरापासून प्रवेशाच्या प्रतीक्षेत असलेल्या उमेदवारांना आणखीन काही काळ ताटकळत राहावे लागणार आहे.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठातील (Savitribai Phule Pune University) पीएच.डी. प्रवेशाच्या (Ph.D. Admission process) रिक्त जागांचा तपशील अद्ययावत करण्यासाठी २५ ऑक्टोबरपर्यंतची मुदत (Deadline till 25 October) देण्यात आली आहे. त्यामुळे मागील महिनाभरापासून प्रवेशाच्या प्रतीक्षेत असलेल्या उमेदवारांना आणखीन काही काळ ताटकळत राहावे लागणार आहे. विद्यापीठाने घेतलेल्या प्रवेश परीक्षेचा निकाल लागल्यापासून हजारो संशोधक उमेदवार प्रवेशाच्या प्रतीक्षेत (Researcher candidates awaiting admission) आहेत.
विद्यापीठाच्या मार्गदर्शकांनी त्यांच्या लॉग इनमधून रिक्त जागांचा तपशील अद्ययावत करावा. त्याचप्रमाणे संबंधित संशोधन केंद्रांनी त्यांच्या संशोधन केंद्रामधील मार्गदर्शकांकडील अद्ययावत केलेल्या रिक्त जागांना प्रवर्गनिहाय ऑनलाइन पद्धतीने मान्यता द्यावी. ही सर्व प्रक्रिया २५ ऑक्टोबरपर्यंत पूर्ण करण्याच्या सूचना विद्यापीठाचे उपकुलसचिव डॉ. मुंजाजी रासवे यांनी परिपत्रकाद्वारे दिल्या आहेत.
विद्यार्थ्यांना संशोधन केंद्र निवडण्याचा पर्याय उपलब्ध करून देण्यासाठी संशोधन मार्गदर्शकांकडील रिक्त जागांचा तपशील मागविण्यात आला. मात्र, सद्यस्थितीत काही मार्गदर्शकांकडे नव्याने जागा रिक्त झाल्या आहेत किंवा काही संशोधन मार्गदर्शकांना नव्याने संशोधन मार्गदर्शक म्हणून मान्यता मिळाली आहे. त्याचप्रमाणे काही संशोधन केंद्रांना (रीसर्च सेंटर) नव्याने मान्यता प्राप्त झाली आहे. अशा संशोधन मार्गदर्शकांकडील रिक्त जागा पुढील प्रवेश प्रक्रिया फेरीपर्यंत खाली राहू नये म्हणून विद्यापीठ प्रशासनाने जागा अद्ययावत करण्याचा निर्णय घेतला आहे.
