CET Cell : नोंदणीसाठी शेवटची संधी, १९ व २० मार्चला करता येणार सीईटी नोंदणी 

एज्युवार्ता न्यूज नेटवर्क 

राज्य सामाईक प्रवेश परीक्षा (State Common Entrance Test) कक्षातर्फे घेतल्या जाणाऱ्या एमएचटी-सीईटी परीक्षेसाठी (MHT-CET Examination) दोन्ही संधी मिळून ११ लाख ५६ हजार १५५ विद्यार्थ्यांनी नोंदणी (1,156,155 Student Registrations) केली आहे. अद्यापही विविध कारणांनी नोंदणीपासून वंचित विद्यार्थ्यांना सीईटी सेलकडून शेवटची संधी उपलब्ध करून देण्यात आली आहे. ज्या विद्यार्थ्यांनी अद्याप अर्ज नोंदणी केलेली नाही अशा विद्यार्थ्यांना १९ व २० मार्च रोजी नोंदणी (Opportunity for registration on March 19 and 20) करून परीक्षेत सहभागी होता येणार आहे. 

शैक्षणिक वर्ष २०२६-२७ साठी अभियांत्रिकी, औषधनिर्माणशास्त्र व कृषी संलग्न अभ्यासकमांच्या प्रवेशासाठी पहिल्या संधीची सीईटी परीक्षा ११ एप्रिल ते २६ एप्रिल या कालावधीत घेतली जाणार आहे. तर दुसऱ्या संधीची परीक्षा १० मे ते १६ या कालावधीत घेतली जाणार जाणार असल्याचे वेळापत्रकात म्हटले आहे. भौतिकशास्त्र, रसायनशास्त्र आणि गणित (पीसीएम) तसेच भौतिकशास्त्र, रसायनशास्त्र आणि जीवशास्त्र (पीसीबी) अशा दोन ग्रुपमध्ये ही परीक्षा घेतली जाणार आहे. 

काही कारणास्तव विद्यार्थ्यांचे अद्याप अर्ज भरण्याचे राहिले असल्यास, त्यांच्यासाठी विशेष बाब म्हणून प्रवेश नोंदणीची विलंब शुल्कासह मुदतवाढ दिली आहे. त्यानुसार १९ व २० मार्चला नोंदणी करता येईल. दोन्ही संधी मिळून ११ लाख ५६ हजार १५५ विद्यार्थी प्रवेश परीक्षा देणार आहेत. यंदापासून या दोन संधी उपलब्ध करून दिल्या आहेत. पहिल्या संधीसाठी ७ लाख ५७ हजार ०९२ विद्यार्थ्यांची नोंदणी केली असून दुसऱ्या संधीसाठी ३ लाख ९९ हजार ६३ विद्यार्थ्यांना आतापर्यंत नोंदणी केली आहे. दोन्ही संधी मिळून ११ लाख ५६ हजार १५५ विद्यार्थी प्रवेश परीक्षा देणार असून यामध्ये आणखी किती विद्यार्थ्यांचा सहभाग असणार हे येत्या दोन दिवसांत समोर येईल.