CBSE बोर्डाच्या परीक्षा 2025-26 पासून वर्षातून दोनदा ; शिक्षण मंत्रालयाकडून निर्देश
सेमिस्टर पद्धत सुरू करण्याची कोणतीही योजना अद्याप नसल्याची माहिती समोर येत आहे.
eduvarta@gmail.com 
एज्युवार्ता न्यूज नेटवर्क
पुढील शैक्षणिक सत्र 2025-26 पासून सीबीएसई बोर्डाच्या परीक्षा (CBSE Board Exams)वर्षातून दोनदा घेतल्या जाऊ शकतात. यासाठी शिक्षण मंत्रालयाने (Ministry of Education)सीबीएसईला तयारी करण्याचे निर्देश दिले आहेत. मात्र, सेमिस्टर पद्धत (Semester Method)सुरू करण्याची कोणतीही योजना अद्याप नसल्याची माहिती समोर येत आहे.
मिडीय रिपोर्ट नुसार, शिक्षण मंत्रालय आणि केंद्रीय माध्यमिक शिक्षण मंडळ (CBSE) चे अधिकारी पुढील महिन्यात शाळांच्या मुख्याध्यापकांशी वर्षातून दोनदा बोर्ड परीक्षा घेण्याबाबत सल्लामसलत करणार आहेत. CBSE सध्या पदवीपूर्व अभ्यासक्रमांच्या प्रवेशाच्या वेळापत्रकावर परिणाम न करता शैक्षणिक दिनदर्शिकेत बदल कसा करायचा यावर काम करत आहे.
दरम्यान, काही महिन्यांपूर्वी केंद्रीय शिक्षण मंत्री धर्मेंद्र प्रधान या विषयी घोषणा केली होती. त्यानंतर शिक्षण मंत्रालय आणि CBSE ने त्या दृष्टीने पाऊले उचलण्यास सुरुवात केली आहे. मात्र, शिक्षण मंत्रालय आणि CBSE बोर्डाकडून सेमिस्टर पद्धत लागू करण्याची कोणतीही योजना नाही. विद्यार्थ्यांना कामगिरी सुधारण्यासाठी पुरेसा वेळ आणि संधी मिळावी यासाठी शिक्षण मंत्रालयाने गेल्या वर्षी जाहीर केलेल्या नवीन अभ्यासक्रम फ्रेमवर्क (NCF) नुसार बोर्डाच्या परीक्षा वर्षातून दोनदा घेतल्या जाणार आहेत.
