'ऑपरेशन सिंदूर'वर टिप्पणी करणाऱ्या अशोका विद्यापीठाच्या प्राध्यापकाला अटक
अली खानवर यापुर्वी दोन गुन्हे दाखल आहेत. जठेदी गावचे सरपंच योगेश जठेदी यांच्या तक्रारीवरून पोलिसांनी आरोपी प्राध्यापक अली खानविरुद्ध पहिला गुन्हा दाखल केला. त्याच वेळी, हरियाणा राज्य महिला आयोगाच्या सूचनेकडे दुर्लक्ष केल्याबद्दल आणि चौकशीसाठी हजर न राहिल्याबद्दल दुसरा गुन्हा दाखल करण्यात आला आहे.
eduvarta@gmail.com 
एज्युवार्ता न्यूज नेटवर्क
'ऑपरेशन सिंदूर'वर (Operation Sindoor) पत्रकार परिषद घेऊन भारतीय लष्करातील महिला अधिकाऱ्यांविरुद्ध वादग्रस्त विधान केल्याबद्दल अशोका विद्यापीठातील (Ashoka University, Haryana) प्राध्यापक अली खान महमूद (Professor Ali Khan Mahmood) यांच्यावर कारवाई करण्यात आली आहे. हरियाणा राज्य आयोगाच्या अध्यक्षा रेणू भाटिया यांच्या शिफारशीनंतर रविवारी प्राध्यापक अली यांना अटक (Professor Ali Khan arrested) करण्यात आली. पोलीस त्याला लवकरच न्यायालयात हजर करतील आणि त्याचा रिमांड मागतील.
अली खानवर यापुर्वी दोन गुन्हे दाखल आहेत. जठेदी गावचे सरपंच योगेश जठेदी यांच्या तक्रारीवरून पोलिसांनी आरोपी प्राध्यापक अली खानविरुद्ध पहिला गुन्हा दाखल केला. त्याच वेळी, हरियाणा राज्य महिला आयोगाच्या सूचनेकडे दुर्लक्ष केल्याबद्दल आणि चौकशीसाठी हजर न राहिल्याबद्दल दुसरा गुन्हा दाखल करण्यात आला आहे.
हरियाणा राज्य आयोगाच्या अध्यक्षा रेणू भाटिया यांनी राज्याच्या डीजीपींना प्रोफेसर अली खान यांच्याबाबत पत्र लिहिले आहे. अली खान यांच्याविरुद्ध एफआयआर नोंदवण्याची शिफारस करण्यात आली होती. त्यांनी म्हटले होते की, मध्य प्रदेशच्या धर्तीवर प्रा. अली खान यांच्यावर कारवाई करावी. रेणू भाटिया यांनी पत्रात म्हटले होते की, प्राध्यापक अली खान यांनी देशातील नामांकित कन्या ज्या देशसेवा बजावत आहेत त्यांच्यावर वादग्रस्त टिप्पणी केल.
