नॅशनल फर्टिलायझर्स लिमिटेडमध्ये ३४९ जागांसाठी अर्ज सुरू ; ८ नोव्हेंबरपर्यंत मुदत 

एज्युवार्ता न्यूज नेटवर्क 

नॅशनल फर्टीलाइजर लिमिटेडमध्ये (NFL) विविध  पदांच्या रिक्त जागांसाठी भरती प्रक्रिया  सुरू झाली आहे. यामध्ये नॉन एक्झिक्युटिव्ह आणि मॅनेजमेंट ट्रेनी (Non-Executive and Management Trainee) या पदांच्या एकूण ३४९ जागा भरण्यात येणार आहेत. या भरती प्रक्रियेमध्ये सहभागी होण्यासाठी इच्छुक आणि पात्र उमेदवार  careers.nfl.co.in किंवा nationalfertilizers.com या संकेतस्थळावर जाऊन ऑनलाइन पद्धतीने अर्ज करू शकतात. 

उमेदवारांना ऑनलाईन पद्धतीने अर्ज करायचा असून अर्ज करण्याची शेवटची तारीख ८ नोव्हेंबर २०२४ आहे. या भरती मोहिमेद्वारे नॉन एक्झिक्युटिव्ह या पदासाठी ३३६ जागा भरायच्या आहेत. तर मॅनेजमेंट ट्रेनी या पदासाठी एकूण १३ जागा भरायच्या आहेत, अशा एकूण ३४९ पदांसाठी ही भरती प्रक्रिया राबवण्यात येत आहे.  

नॉन एक्झिक्युटिव्ह या पदासाठी अर्ज करणारे उमेदवार १० वी परीक्षा किमान ४५ टक्के गुणांनी उत्तीर्ण असावे. तसेच संबंधित शाखेतील पदवी अभ्यासक्रम पूर्ण केलेला असावा. तर मॅनेजमेंट ट्रेनी या पदासाठी CA/CMA or MBA (Finance) या शाखेमध्ये ६० टक्के गुणांनी उत्तीर्ण झालेले असावे.

NFL भरतीमध्ये निवड प्रक्रियेसाठी तीन टप्प्यांचा समावेश आहे. उमेदवारांना नियुक्तीसाठी सर्व टप्प्यांसाठी पात्र करणे अनिवार्य आहे. निवड प्रक्रियेच्या पहिल्या टप्प्यामध्ये उमेदवारांना लेखी परीक्षा पात्र करावे लागणार आहे. दस्तऐवजांची पडताळणीचा यामध्ये समावेश आहे. तसेच उमेदवारांना वैद्यकीय चाचणीला पात्र करावे लागणार आहे. या सर्व टप्प्यांना यशस्वीरीत्या पात्र करणाऱ्या उमेदवाराला नियुक्त करण्यात येणार आहे.